რომის პაპი ლეო XIV რუსეთს მოუწოდებს, საშობაოდ 24 საათით ცეცხლის შეწყვეტა გამოაცხადოს და საშობაო ზავს დასთანხმდეს. რომის პაპმა განაცხადა, რომ "დიდ სევდას" გრძნობს იმის გამო, რომ რუსეთი უკრაინაში საშობაოდ ცეცხლის შეწყვეტას არ დათანხმდა. ამის შესახებ ინფორმაციას Reuters ავრცელებს.

"იმ საკითხებს შორის, რომლებიც დიდ სევდას მანიჭებს, არის ის, რომ, როგორც ჩანს, რუსეთმა უარი თქვა ცეცხლის შეწყვეტაზე... კიდევ ერთხელ მოვუწოდებ კეთილი ნების მქონე ადამიანებს, პატივი სცენ სულ მცირე შობას, როგორც მშვიდობის დღეს... შესაძლოა, მოგვისმინონ და მთელ მსოფლიოში სულ მცირე 24 საათით, მშვიდობის დღე იყოს", — უთხრა პაპმა ჟურნალისტებს.