ყოფილი მოკრივე და ბიზნესმენი გიორგი კანდელაკი 200 000-ლარიანი გირაოს სანაცვლოდ გაათავისუფლეს. კანდელაკი ალკოჰოლის არალეგალური წარმოების ბრალდებით იყო დაკავებული.

კანდელაკი 19 სექტემბერს 6 პირთან ერთად დააკავეს. ფინანსთა სამინისტროს საგამოძიებო სამსახურის ინფორმაციით, შიდა ქართლში ამოიღეს სარეალიზაციოდ გამზადებული 75 137 ბოთლი უაქციზო ალკოჰოლური სასმელი, კერძოდ, არაყი "ბელუგა", "ბელვედერი", "გრეიგუსი", ვისკი "ბორკანი" და "ჩივას რეგალი". უწყების ცნობით, ჩხრეკისას ქარხანაში ასევე აღმოაჩინეს დაახლოებით 24 ტონა ალკოჰოლური სითხე და 318 000 კოლოფი უაქციზო სიგარეტი კარელია.

"ჩხრეკისას ქარხანაში ასევე აღმოვაჩინეთ ხსსაგენებული სასმელების წარმოებისთვის განკუთვნილი დიდი რაოდენობით ბოთლები, საცობები, შესაფუთი მასალა, ხოლო ცისტერნებში დაახლოებით 24 ტონა ალკოჰოლური სითხე, რომლითაც ხდებოდა ფალსიფიცირებული სასმელების დამზადება.

ქარხნის მიმდებარე ტერიტორიაზე მდებარე საწყობიდან დამატებით ამოვიღეთ 318 000 კოლოფი უაქციზო სიგარეტი კარელია," — ნათქვამია საგამოძიებოს განცხადებაში.