სტიმულაციის გარეშე გონება ერთფეროვნებაში ეშვება, რა დროსაც დაღლილობას, იმედგაცრუებასა და უსიცოცხლო განწყობას განვიცდით. საბედნიეროდ, გონების ვარჯიში არც ისე რთულია.

ეს ექვსი უმარტივესი ხერხი სწორედ გონების გაწვრთნაში დაგეხმარებათ.

1. სცადე არადომინანტი ხელით წერა ან ხატვა

კვლევებმა აჩვენა, რომ სხვადასხვა დავალების არადომინანტი ხელით შესრულება კოგნიტიურ უნარებს აუმჯობესებს. ამ პროცესში გონება პრობლემის ახალი გზით გადაჭრას სწავლობს, რაც უკვე არსებულ ნერვულ კავშირებს აძლიერებს და ახალსაც ქმნის.

2. ამოხსენი რუბიკის კუბი

შეიძლება ბევრისთვის რუბიკის კუბი ვინტაჟურ და რეტრო ეპოქასთან ასოცირდება, მაგრამ ის ერთ-ერთი ყველაზე პოპულარული რამაა გონების სავარჯიშოდ. რუბიკის კუბის ამოხსნა პრობლემის გადაჭრის, სივრცის აღქმისა და მენტალური კოორდინაციის უნარებს ავარჯიშებს და მას მაღალი ფსიქოლოგიური ღირებულება აქვს.

3. სცადე მედიტაცია

კვლევები იმასაც გვიჩვენებს, რომ დღეში სულ რაღაც15-წუთიანი მედიტაცია მოტორულ უნარებსა და იმუნურ სისტემას აძლიერებს.

4. დაითვალე კარტი

კარტით თამაში განსაკუთრებულ ძალისხმევას არ მოითხოვს და სარგებელიც მოაქვს. კარტის თვლა გონებაში მათემატიკური სავარჯიშოების ამოხსნას ჰგავს და ყურადღებასა და მეხსიერებას ავარჯიშებს, რაც მომავალში ე.წ. მულტიტასკინგში გვეხმარება.

5. ისწავლე ახალი ენა

შეიძლება ამ სიტყვების წაკითხვაც კი გაშინებს, მაგრამ მარტივი ფრაზების დამახსოვრება Duolingo-თი უზომოდ სახალისოა.კვლევებმა ისიც აჩვენა, რომ ახალი ენიდან სიტყვებისა და წინადადებების სწავლა, ვარჯიში და ახალ სიტუაციებში მათი გამოყენება აღქმისა და გადაწყვეტილების მიღების პროცესებში გავლენას ახდენს.

რუბრიკის სპონსორია ექიმო. ექიმო არის აპლიკაცია, რომელიც სამედიცინო სერვისების მიღებას გიმარტივებთ. მისი გამოყენებით, შეძლებთ სახლში გამოიძახოთ ლაბორატორიული ანალიზები, დაჯავშნოთ ექიმთან ვიზიტი, რიგში დგომის გარეშე მიიღოთ სამედიცინო მომსახურება, მოძებნოთ მედიკამენტები და ელექტრონულად მიიღოთ კვლევებისა და მედიკამენტების დანიშნულებები, დიაგნოზები და სადაზღვევო მიმართვები.