NDI-ის კვლევის თანახმად, გამოკითხული მოსახლეობის 41% ფიქრობს, რომ ახალი პარლამენტი მათთვის მნიშვნელოვან საკითხებზე იმუშავებს. 32% ამ მოსაზრებას არ ეთანხმება, ხოლო 27%-მა არ იცის პასუხი.

კითხვაზე — ეთანხმებით თუ არა, რომ ახალი პარლამენტი უფრო ეფექტურად გაუწევს ზედამხედველობას მთავრობის საქმიანობას, 39% — ეთანხმება, 28% არა, ხოლო 31% უარს ამბობს პასუხზე.

ამასთან, გამოკითხულთა 36%-ის აზრით, ახალი პარლამენტის წევრები ეთიკურად მოიქცევიან, 28% აღნიშნულს არ ეთანხმება, 35% კი უარს ამბობს პასუხზე.

ფოტო: NDI

NDI-ის კვლევის თანახმადვე, გამოკითხული მოსახლეობის 33% მიიჩნევს, რომ ახალი პარლამენტი უფრო აქტიურად ჩართავს სამოქალაქო საზოგადოების ორგანიზაციებს პარლამენტის საქმიანობაში, 29% ამ მოსაზრებას არ ეთანხმება, ხოლო 37% უარს ამბობს პასუხზე.

რაც შეეხება კითხვას — ეთანხმებით თუ არა, რომ ახალი პარლამენტი უფრო აქტიურად ჩართავს მე/ჩემნაირ მოქალაქეებს საქმიანობაში, 24% ეთანხმება, 40% არა, ხოლო 35% უარს ამბობს პასუხზე.

აღნიშნულ კითხვებზე გამოკითხულთა 31% ქართული ოცნების მხარდამჭერი იყო, 14% ოპოზიციის, ხოლო 54%-მა არ დაასახელა პარტია.

ფოტო: NDI

კვლევა 2020 წლის 17-24 დეკემბრის პერიოდში ჩატარდა. სატელეფონო ინტერვიუს გზით ქვეყნის მასშტაბით 2 053 სრულწლოვანი ადამიანი გამოიკითხა (ოკუპირებული ტერიტორიების გამოკლებით). რესპონდენტები მარტივი შემთხვევითი შერჩევის გზით — შემთხვევით ნომერზე დარეკვის მეთოდით შეირჩნენ. ინტერვიუები ჩატარდა ქართულ, აზერბაიჯანულ, სომხურ და რუსულ ენებზე.

კვლევის საშუალო ცდომილების ზღვარი +/- 1.1%-ა. NDI-ში განმარტავენ, რომ ახალი მონაცემების კვლევის წინა ტალღებთან შედარებისას გასათვალისწინებელია, რომ ინტერვიუს მეთოდის ცვლილება შესაძლოა ცდომილებაზე აისახოს.

ასევე წაიკითხეთ: