სომხეთის დამოუკიდებელი მედიის მხარდასაჭერად და ქვეყნის"ინფორმაციული ეკოსისტემის" გასაუმჯობესებლად ევროკავშირმა 1.5 მილიონი ევრო (1.8 მილიონი აშშ დოლარი) გამოყო.

განცხადება 14 ივლისს, სომხეთის პრემიერმინისტრ ნიკოლ ფაშინიანი ბრიუსელში ვიზიტის ფარგლებში გაკეთდა, სადაც ის ევროკავშირის საბჭოს პრეზიდენტს, ანტონიუ კოშტას და ევროკომისიის პრეზიდენტს. ურსულა ფონ დერ ლაიენს შეხვდა.

ფაშინიანის ვებგვერდზე გამოქვეყნებული ერთობლივი პრესრელიზის მიხედვით, კოშტამ და ფონ დერ ლაიენმა "მოიწონეს სომხეთის ამბიციური რეფორმების დღის წესრიგი და გამოხატეს მხარდაჭერა სომხეთის სუვერენიტეტის ტერიტორიული მთლიანობის და დემოკრატიული რეფორმებისადმი".

ფაშინიანმა და ევროკავშირის ლიდერებმა ასევე "კმაყოფილებით აღნიშნეს" ვიზალიბერალიზაციის პროცესში მიღწეული პროგრესი და ის, რომ სომხეთმა ევროკავშირთან გაწევრიანების შესახებ კანონპროექტი მიიღო.

ევროკავშირმა ასევე მხარდაჭერა გამოხატა სომხეთის ინიციატივისადმი — "მშვიდობის გზაჯვარედინი", რომელიც სომხეთის გავლით რეგიონში სატრანზიტო მარშრუტების გულისხმობს.

პრესრელიზის თანახმად, ევროკავშირმა სომხეთს უსაფრთხოების საკითხების ფართო სპექტრზე მათ შორის უცხოური ინფორმაციის მანიპულაციაზე, ჩარევაზე, დეზინფორმაციასა და კიბერ საფრთხეებზე თანამშრომლობა შესთავაზა.

ფონ დერ ლაიენთან და კოშტასთან შეხვედრის შემდეგ, ფაშინიანი ასევე ევროკომისარს გაფართოების საკითხებში, მარტა კოსს შეხვდა, რომელმაც სომხეთის "ამბიციური რეფორმების დღის წესრიგი" ასევე შეაქო.

შეხვედრის ფარგლებში მათ განიხილეს ევროკავშირის მიერ დაფინანსებული პროგრამების განხორციელების საკითხი. ფაშინიანმა მთიანი ყარაბაღიდან იძულებით გადაადგილებულ პირთა სოციალური პრობლემების გადაჭრაში საერთაშორისო მხარდაჭერის მნიშვნელობას განსაკუთრებით გაუსვა ხაზი.

მათი შეხვედრის შესახებ გავრცელებული განცხადების თანახმად, მარტა კოსმა განაცხადა, რომ გეგმავს უახლოეს მომავალში ეწვიოს სომხეთს, რათა "დეტალურად განიხილოს ერთობლივი პროგრამები და ინიციატივები".

სტატიაში წარმოდგენილი შეხედულებები ეკუთვნის ავტორს და არ წარმოადგენს On.ge-ის პოზიციას. მასალა ქვეყნდება OC Media-სთან პარტნიორობის ფარგლებში, რომლის შედეგად, გამოცემის სტატიები ამიერიდან ოთხ ენაზე გავრცელდება. საქართველოში OC Media-ს პარტნიორი On.ge-ა. სტატია ინგლისურად შეგიძლიათ წაიკითხოთ აქ.