NDI: გამოკითხულთა 80%-ისთვის ევროკავშირის წევრობა მისაღებია, NATO-ს წევრობა 74%-ისთვის

NDI-ის კვლევის თანახმად, გამოკითხული მოსახლეობის 80%-ისთვის მისაღებია მთავრობის გაცხადებული მიზანი, საქართველო გახდეს ევროკავშირის წევრი. 8%-ისთვის ეს მიუღებელია, ხოლო 12% ამბობს, რომ არ იცის.

ამასთან, NDI-ის კვლევის მიხედვით, კითხვაზე — მისაღებია თუ არა საქართველოს მთავრობის გაცხადებული მიზანი, რომ საქართველო გახდეს NATO-ს წევრი, 74% ამბობს, რომ მისაღებია. 9%-ისთვის მიუღებელია, ხოლო 16%-მა არ იცის.

კვლევა 2020 წლის 17-24 დეკემბრის პერიოდში ჩატარდა. სატელეფონო ინტერვიუს გზით ქვეყნის მასშტაბით 2 053 სრულწლოვანი ადამიანი გამოიკითხა (ოკუპირებული ტერიტორიების გამოკლებით). რესპონდენტები მარტივი შემთხვევითი შერჩევის გზით — შემთხვევით ნომერზე დარეკვის მეთოდით შეირჩნენ. ინტერვიუები ჩატარდა ქართულ, აზერბაიჯანულ, სომხურ და რუსულ ენებზე.

კვლევის საშუალო ცდომილების ზღვარი +/- 1.1%-ია. NDI-ში განმარტავენ, რომ ახალი მონაცემების კვლევის წინა ტალღებთან შედარებისას გასათვალისწინებელია, რომ ინტერვიუს მეთოდის ცვლილება შესაძლოა ცდომილებაზე აისახოს.

ასევე წაიკითხეთ:

ბოლო ამბები:

გირჩევთ

NDI: გამოკითხულთა 80%-ისთვის ევროკავშირის წევრობა მისაღებია, NATO-ს წევრობა 74%-ისთვის

კომენტარები

კვირის ტოპ-5

გირჩევთ

ახლა კითხულობენ

ნორვეგიის მეფე ჰარალდ V 89 წლის ასაკში გარდაიცვალა