ყურადღება, წითელი კოდია, ჰოუკინსი ბოლო ეპიკური ბრძოლისთვის ემზადება.

ხანგრძლივი პაუზის შემდეგ, Stranger Things ნანატრი მეხუთე სეზონით გვიბრუნდება. ნეტფლიქსმა სულ ახლახან სერიალის ფინალური სეზონის თიზერი გამოაქვეყნა.

თიზერში, ჰოპერი ელევენს მიმართავს, რომ ბოლოჯერ ბრძოლის დროა, "შვილო, მოდი, დავასრულოთ ეს", — ამბობს ჰოპერი.

შემდეგ სცენებში ჩვენი საყვარელი გმირები ვეკნასთან საბრძოლველად ემზადებიან. მაქსი ჯერ კიდევ კომაშია, ხოლო ჯონათანი და ნენსი ერთ-ერთ კადრში ტირიან, როდესაც სტივი ნენსის უმცროს ძმას, მაიკს, ეხუტება, რაც, შესაძლოა, რამდენიმე მთავარი პერსონაჟის სიკვდილზე მიანიშნებდეს.

კადრი Stranger Things-ის მეხუთე სეზონიდან

კადრი Stranger Things-ის მეხუთე სეზონიდან

ფოტო: Netflix

ამასობაში, დასტინი ედი მანსონის დაკარგვას გლოვობს, რომელიც მეოთხე სეზონში გარდაიცვალა, თუმცა ჰოუკინსში ედის, თავისი ცხოვრების სტილის გამო, ისევ დასცინიან, რაზეც მის საფლავის ქვაზე დაწერილი წარწერები მიანიშნებს.

რაც შეეხება მსახიობებს, მთავარი გმირების უმეტესობა მეხუთე სეზონშიც დაბრუნდება. მათ შორის არიან: მილი ბობი ბრაუნი, ფინ ვოლფჰარდი, ვაინონა რაიდერი, ქეილებ მაკლაფლინი, მაია ჰოუკი, ჯო კირი, დევიდ ჰარბორი და სხვ.

გარდა ამისა, სერიალის ბოლო სეზონს ოთხი ახალი პერსონაჟი ეყოლება. მათ შორის არიან — ჯეიკ კონელი, ნეილ ფიშერი, ალექს ბრონქსი და ფილმ ტერმინატორის ვასკვლავი ლინდა ჰამილტონი.

კადრი Stranger Things-ის მეხუთე სეზონიდან

კადრი Stranger Things-ის მეხუთე სეზონიდან

ფოტო: Netflix

შეგახსენებთ, რომ 2016 წელს დაწყებული სერიალი, წელს — მეხუთე სეზონით დაგვირგვინდება. როგორც მეოთხე სეზონი, ისიც რამდენიმე ნაწილად გამოვა. პირველი ნაწილის ნახვას 26 ნოემბერს შევძლებთ, მეორე ნაწილს 25 დეკემბერს, ხოლო ფინალურ ეპიზოდს — ახალი წლის ღამეს.

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…