რესპუბლიკელი კონგრესმენი, დონ ბეკონი უკრაინისთვის დახმარების გადაცემის საკითხს საკუთარ სოციალურ ქსელში გამოეხმაურა და აღნიშნა, რომ უკრაინას გასამარჯვებლად მხარდაჭერა სჭირდება, შემდეგში რუსეთის სამიზნე მოლდოვა, საქართველო ან აზერბაიჯანი რომ არ გახდნენ.

ტრამპი აცხადებს, რომ უკრაინაში Patriot-ის რაკეტებს გაგზავნის

"რუსეთის გამარჯვება უკრაინაში ბევრად უფრო ძვირი დაგვიჯდება, რადგან შემდეგ შესაძლოა სხვა ქვეყნები, როგორიცაა მოლდოვა, საქართველო და აზერბაიჯანი, გახდნენ სამიზნე. უკრაინელები იბრძვიან, მაგრამ მათ ჩვენი იარაღის მხარდაჭერა სჭირდებათ გადარჩენისთვის. ბულინგის წინააღმდეგ წასვლა აუცილებელია ჩვენი ეროვნული უსაფრთხოების ინტერესებისთვის," — დაწერა კონგრესმენმა.

ცნობისთვის, აშშ-ის პრეზიდენტმა, დონალდ ტრამპმა, 14 ივლისს განაცხადა, რომ უკრაინაში Patriot-ის ტიპის საზენიტო-სარაკეტო სისტემებს გაგზავნიდა და აღნიშნა, რომ კიევს ისინი სჭირდება, რადგან რუსეთის ლიდერი ვლადიმერ პუტინი "კარგად ლაპარაკობს, მაგრამ საღამოს ყველას ბომბავს".

არსებული ინფორმაციით, რამდენიმე Patriot-ის ტიპის საზენიტო-სარაკეტო სისტემა უკვე გზაშია.

Politico: უკრაინის დასახმარებლად აშშ-ის იარაღის შესყიდვას საფრანგეთი არ შეუერთდება
ტრამპის თქმით, ზელენსკიმ მოსკოვს არ უნდა დაარტყას და პუტინმა ცეცხლის შეწყვეტის შეთანხმებას 50 დღეში უნდა მოაწეროს ხელი