დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

კოვიდინფიცირებული კორნელი კაკაჩია რუხის მრავალპროფილური კლინიკიდან ნიუ ვიჟენ საავადმყოფოში გადაიყვანეს. საქართველოს პოლიტიკის ინსტიტუტში, რომლის ხელმძღვანელიც კორნელი კაკაჩიაა, On.ge-ს უთხრეს, რომ მას ისევ მაღალი ტემპერატურა აღენიშნება.

პოლიტიკის მეცნიერ კორნელი კაკაჩიას Covid-19 რამდენიმე დღის წინ დაუფიქსირდა. გუშინ, 19 ნოემბერს კაკაჩიამ On.ge-ს უთხრა, რომ თავს ძალიან ცუდად გრძნობდა და სუნთქვაც უჭირდა. ის რუხის კლინიკიდან თბილისში გადაყვანას ითხოვდა.

20 ნოემბრის მონაცემებით, საქართველოში კორონავირუსის 3768 ახალი შემთხვევა დადასტურდა, გამოჯანმრთელდა 4 055 პირი, გარდაიცვალა — 41.

ამ ეტაპზე აქტიური ინფიცირებული შემთხვევა არის 18 008. მათგან 5 879 მკურნალობს საავადმყოფოში, მათ შორის, თბილისის საავადმყოფოებში — 2 702, აჭარაში — 942, იმერეთში — 1 179.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: