დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ეროვნული ცენტრის ხელმძღვანელის, ამირან გამყრელიძის თქმით, მისი ჯანმრთელობის მდგომარეობა ნორმალურია და სიმპტომები, ჯერჯერობით, არ აქვს. გამყრელიძე ამბობს, რომ უარყოფითია ტესტის პასუხიც.

"მაგრამ რადგან გასულ შაბათ-კვირას ინტენსიური კონტაქტი მქონდა ინფიცირებულებთან, რომელთა ინფიცირება დადგინდა ორშაბათს, მე-3 დღეა, ვარ იზოლირებული", — თქვა გამყრელიძემ TV პირველთან.

ამირან გამყრელიძე თვითიზოლაციაში 17 ნოემბერს გადავიდა. იგივე დღეს კორონავირუსი დაუდასტურდა თენგიზ ცერცვაძეს. მედიაში გავრცელებული იყო ინფორმაცია, რომ სწორედ ინფიცირებულ ცერცვაძესთან კონტაქტის გამო იყო გამყრელიძე თვითიზოლაციაში. თუმცა, მოგვიანებით NCDC-ის ხელმძღვანელმა განმარტა, რომ თვითიზოლაციაში კორონავირუსის მისი შვილიშვილის დადასტურების შემდეგ გადავიდა.

19 ნოემბრის მონაცემებით, ინფიცირების 3 697 ახალი შემთხვევა დადასტურდა, გამოჯანმრთელდა 2 409 პირი, გარდაიცვალა — 38.

2020 წლის 26 თებერვლიდან დღემდე სულ გვაქვს 853 გარდაცვალების შემთხვევა, გამოჯანმრთელდა 73 877 ადამიანი, ხოლო სულ დაინფიცირდა — 93 092.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: