დაავადებათა კონტროლის ეროვნული ცენტრის ხელმძღვანელის, ამირან გამყრელიძის თქმით, თვითიზოლაციაში იმიტომ გადავიდა, რომ კორონავირუსი მის შვილიშვილს დაუდასტურდა. ამის შესახებ მან რუსთავი 2-თან მიცემულ სატელეფონო ინტერვიუში ისაუბრა.

"ჩემს შვილიშვილს დაუდასტურდა კორონავირუსი, რომელთანაც კვირას მქონდა კონტაქტი და ამიტომ გადავედი თვითიზოლაციაში. ვირუსი დაუდგინდა ორშაბათს, ამიტომ გადავედი მეც", — ამბობს გამყრელიძე.

ამირან გამყრელიძე თვითიზოლაციაში დღეს, 17 ნოემბერს გადავიდა. დღეს კორონავირუსი დაუდასტურდა თენგიზ ცერცვაძეს. მედიაში გავრცელებული იყო ინფორმაცია, რომ სწორედ ინფიცირებულ ცერცვაძესთან კონტაქტის გამო იყო გამყრელიძე თვითიზოლაციაში.