NDI-ის გამოკითხვის მიხედვით, საქართველოს მოსახლეობისთვის ყველაზე ნაკლებმნიშვნელოვანი საკითხებს შორისაა პატიმრები/ციხეები, უმცირესობათა უფლებები და მედიის დამოუკიდებლობა.

რაც შეეხება ყველაზე მნიშვნელოვან საკითხებს, მოსახლეობისთვის ყველაზე მნიშვნელოვანი საკითხების ხუთეული 2009 წლის შემდეგ არ შეცვლილა და ის ასე გამოიყურება:

  • სამუშაო ადგილები - 58%;
  • ფასების ზრდა/ინფლაცია - 38%;
  • სიღარიბე - 30%;
  • ტერიტორიული მთლიანობა - 27%;
  • პენსიები - 24%;

რაც შეეხება მოსახლეობის სხვა პრიორიტეტებს, ისინი ასე გამოიყურება:

  • ხელმისაწვდომი სამედიცინო მომსახურება - 23%;
  • ხელფასები - 19%;
  • რუსეთთან ურთიერთობა - 14%;
  • განათლება - 14%;
  • ადამიანის უფლებები - 8%;
  • სამართლიანობის აღდგენა - 8%;
  • სიტყვის თავისუფლება - 4%;
  • ნატოში გაწევრიანება - 3%;
  • ევროკავშირში გაწევრიანება - 3%;
  • სამართლიანი არჩევნები - 3%;
  • კრიმინალი - 3%;
  • სასამართლო სისტემა - 3%;
  • საკუთრების უფლება - 2%;
  • კორუფცია - 1%;
  • მედიის დამოუკიდებლობა - 1%;
  • უმცირესობათა უფლებები - 1%;
  • ციხეები/პატიმრები - 1%
  • სხვა - 1%.

პროცენტთა ჯამი 100 პროცენტს აღემატება, რადგან გამოკითხვაში მონაწილეებს საშუალება ჰქონდათ, დაესახელებინათ მათთვის სამი ყველაზე მნიშვნელოვანი საკითხი.

NDI-ის კვლევა აჩვენებს, რომ რამდენიმე წელია იკლებს ნატოში გაწევრიანების მსურველთა რაოდენობა.

დღეს, 16 იანვარს, ეროვნულ-დემოკრატიულმა ინსტიტუტმა (NDI) და CRRC–საქართველომ 2016 წლის ნოემბერ-დეკემბერში ჩატარებული საზოგადოებრივი აზრის კვლევის შედეგების პირველი ნაწილი წარადგინა.

კვლევის საველე სამუშაოები ჩატარდა 4 ნოემბერი - 4 დეკემბრის პერიოდში, საქართველოს მასშტაბით (ოკუპირებული ტერიტორიების გამოკლებით), 3,141 პირისპირ ინტერვიუს წარმომადგენლობითი შერჩევის საფუძველზე.