ინფექციური პათოლოგიის, შიდსისა და კლინიკური იმუნოლოგიის ცენტრის ინფორმაციით, 2020 წლის 1-ლი ოქტომბრის მონაცემებით, საქართველოში 418 ახალი აივ ინფიცირების შემთხვევა დაფიქსირდა. გასული წლის 1 ოქტომბერს კი ქვეყანაში აივ ინფიცირების 503 ახალი შემთხვევა იყო დაფიქსირებული.

მთლიანობაში კი, ინფექციური პათოლოგიისა და შიდსის ცენტრში 2020 წლის 1-ლი ოქტომბრის მონაცემებით, 8 520 აივ ინფიცირებული პირია რეგისტრირებული, მათ შორის 6 362 კაცია და 2 158 ქალი. პაციენტთა უმრავლესობა 29-დან 39 წლამდეა.

შიდსი 4340 პაციენტს განუვითარდა, 1 766 გარდაიცვალა. 2020 წელს გარდაიცვალა 131 აივ ინფიცირებული.

1 ოქტომბრის მონაცემებით, აივ მკურნალობას იტარებს 5297 პაციენტი, მათ შორის 46 ბავშვია.

რეგისტრირებულ შემთხვევათა განაწილება გადაცემის გზების მიხედვით ასეთია: 36,5% (3 111) — ნარკოტიკების ინექციური მომხმარებელია; 49,1% (4 181) — დაინფიცირდა ჰეტეროსექსუალური კონტაქტის შედეგად; 12,0% (1 031) — მამაკაცები რომელთაც სექსი აქვთ მამაკაცთან; 1,3% (109) — დაინფიცირდა ვერტიკალური გადაცემის გზით; 0,5% (41) — სისხლის რეციპიენტია; 0,6% (47) — გადაცემის გზა დაუდგენელია.

აივ ინფიცირების ყველაზე მეტი შემთხვევა რეგისტრირებულია თბილისში (3 169 შემთხვევა, მათგან 87 უცხოეთის მოქალაქეა 2 დაუდგენელი); სამეგრელოში — 1 168; შემდეგ იმერეთში — 1 020; აჭარაში — 974; აფხაზეთში — 529; კახეთში — 427; ქვემო ქართლში — 485; შიდა ქართლში — 316; გურიაში — 181; სამცხე-ჯავახეთში — 113 და ა.შ.

სულ საქართველოში გამოვლენილია 116 აივ ინფიცირებული ბავშვი. მათ შორის 70 ვაჟი, 46 კი — გოგო. 27 გარდაიცვალა. 3 გავიდა ქვეყნიდან.

რაც შეეხება განაწილებას ინფიცირების გზების მიხედვით: ვერტიკალური (დედიდან) გადაცემით — 108 შემთხვევა (მათგან 1 — ძუძუთი კვებით); სისხლის რეციპიენტი — 4; დაუდგენელი კი — 2.