ოკუპანტის ქვეყნის, რუსეთის პრეზიდენტმა, ვლადიმერ პუტინმა გაეროს 75-ე ასამბლეაზე სიტყვით გამოსვლისას მშვიდობის მნიშვნელობაზე ისაუბრა. მან შეაქო ორგანიზაცია და განაცხადა, რომ ისინი ღირსეულად ასრულებენ თავის მისიას და ინარჩუნებენ მშვიდობას.

მან ხაზგასმით აღნიშნა, რომ გაეროს პრინციპები — სუვერენული სახელმწიფოების თანასწორობა, აგრესიასა და იარაღის გამოყენებაზე აურის თქმა, ქვეყნების შიდა პოლიტიკაში არ ჩარევა, ერების უფლება თავად გადაწყვიტონ საკუთარი ბედი — არაორაზროვანია და ორგანიზაცია ამას კარგად ასრულებს.

ამავდროულად, მან განაცხადა, რომ გაერო, როგორც ნებისმიერი საერთაშორისო ორგანიზაცია უნდა მაორგოს თანამედროვე მსოფლიოს რეალობას, რომელიც სულ უფრო რთული და მრავალპოლარული ხდება. სიტყვით გამოსვლისას პუტინმა არაერთხელ გაუსვა ხაზი რუსეთის სახელმწიფოს ინტერესებსა და ძალას.

რუსეთი არაერთი სახელმწიფოს შიდა პოლიტიკაში ერევა და თავისი პოლიტიკური მიზნების გამო არც სამხედრო ინტერვენციას ერიდება. ამ ეტაპზე მას ოკუპირებული აქვს საქართველოს ორი რეგიონი, აფხაზეთი და ოსეთი და ანექსირებული აქვს უკრაინის რეგიონი ყირიმი.