დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ბათუმის ინფექციური პათოლოგიის, შიდსის და ტუბერკულოზის რეგიონული ცენტრის ექიმსა და დასუფთავების სამსახურის თანამშრომელს კორონავირუსი დაუდასტურდა. ამის შესახებ ინფორმაცია On.ge-ს ბათუმის ინფექციური კლინიკის დირექტორმა, ციური აბულაძემ დაუდასტურა.

"ექიმს თერმოსკრინინგის დროს დაუდასტურდა ტემპერატურა, რის შემდეგაც გადავიყვანეთ პირდაპირ კვლევაზე. კვლევის შემდეგ დადასტურდა კოვიდინფიცირება და პირდაპირ მოვათავსეთ სტაციონარში. მეორე ინფიცირებულია მეეზოვე, რომელსაც, თუ არ ვცდები, გუშინწინ დაუდასტურდა. ორივე არის შემოტანილი შემთხვევა. ექიმი ქორწილიდან, მეეზოვე კი დადასტურებულ შემთხვევასთან კონტაქტის შედეგად დაინფიცირდა", — განაცხადა ციური აბულაძემ.

ციური აბულაძის თქმით, აღნიშნული დადასტურებული შემთხვევები ჯერეჯერობით მსუბუქი მიმდინარეობისაა.

საქართველოში კორონავირუსის 179 ახალი შემთხვევა დადასტურდა. გამოჯანმრთელდა 10 ადამიანი.

17 სექტემბრის მონაცემებით, ქვეყანაში კორონავირუსის სულ 2 937 შემთხვევაა დადასტურებული. აქედან უკვე 1 422 გამოჯანმრთელდა, ხოლო 19 გარდაიცვალა.

ამ ეტაპისთვის კარანტინშია 6 633 ადამიანი, ხოლო სტაციონარში მეთვალყურეობის ქვეშ 836.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: