ეკონომიკის მინისტრის, ნათია თურნავას განცხადებით, ამ დღეებში მთავრობამ ქართული პირბადეების ექსპორტის ნება დართო. ამის შესახებ მინისტრმა პარლამენტში განაცხადა.

"ჩვენ მოვახერხეთ არა მხოლოდ ერთი სახელწიფო პროგრამა, დოლბანდის პირბადე, რომელმაც გადაგვატანინა ეს რთული პერიოდი, არამედ უკვე 20-მდე სხვადასხვა კომპანია აწარმოებს და იმდენად გაჯერდა საქართველოს ბაზარი, რომ ჩვენ ამ დღეებში დავრთეთ ნება რომ გაიტანონ ექსპორტზე", — განაცხადა თურნავამ.

ჟურნალისტების კითხვაზე, ექსპორტზე გავა თუ არა მთავრობის მიერ სუბსიდირებული დოლბანდის პირბადე, მინისტრმა აღნიშნა, რომ ეს სოციალური პირბადეებია. მისივე თქმით, ქართულ პირბადეებზე მოთხოვნაა როგორც აშშ-ში, ისე ევროპის ქვეყნებში.