პირველი აპრილის მდგომარეობით მსოფლიოში:

• დადასტურებული შემთხვევა — 926 095;
• გარდაცვლილი — 46 413;
• გამოჯანმრთელებული — 193 031.

საქართველოში:

• დადასტურებული შემთხვევა — 117;
• გამოჯანმრთელებული — 23;
• კარანტინის რეჟიმში — 5 437;
• სტაციონარში მეთვალყურეობის ქვეშ — 260.

დღის ფაქტი

გლობალური კარანტინის შედეგად დედამიწა ახლა სხვაგვარად ბრუნავს

მკვლევრებმა, რომლებიც დედამიწის მოძრაობას სწავლობენ, განაცხადეს, რომ სეისმური ხმაური, ანუ პლანეტის ქერქიდან წამოსული ჩუმი ვიბრაციები, შემცირდა. ამის მიზეზი კი, შესაძლოა, სატრანსპორტო ქსელებისა და ადამიანის სხვა აქტივობების შეჩერება იყოს. მკვლევართა მიხედვით, აღნიშნული სიტუაცია დეტექტორებს პატარა, ჩვეულებრივ შეუმჩნეველი მიწისძვრების დაფიქსირებისა და ვულკანურ აქტივობაზე დაკვირვების უნიკალურ საშუალებას მისცემს.

• გაიგეთ მეტი

დღის ფოტო

ლას-ვეგასში უსახლკაროებს მანქანის სადგომზე სძინავთ, რომელიც სოციალური დისტანციის დაცვისთვის სპეციალურად არის დახაზული

დღის ფრაზა

მარინა ეზუგბაია: მორწმუნე ვარ, პატრიარქის კურთხევა როგორიც იქნება, ალბათ, მას შევასრულებ

"პატრიარქის კურთხევა როგორიც იქნება, მე, როგორც მორწმუნე ადამიანი, ალბათ, მას შევასრულებ", — ასე უპასუხა ინფექციური საავადმყოფოს დირექტორმა, მარინა ეზუგბაიამ კითხვას, უნდა შეეხოს თუ არა ეკლესიას შეკრების შეზღუდვა.

"იცით, რა, მე მორწმუნე ვარ, მართლმადიდებელი მორწმუნე. მრავალი წელია, ეკლესიაში დავდივარ, ვესწრები თითქმის ყველა წირვა-ლოცვას… იცით რა, ყველაფერი უფლის ნებაა ამ ქვეყანაზე, მეტ-ნაკლებად, თუ მორწმუნე, რომელსაც სურვილი აქვს, რომ ტაძარში მივიდეს და სააღდგომო ლიტურგიას დაესწროს, თუ დაიცავს ყველა იმ წესებს, რაც მოწოდებულია ეპიდემიოლოგიური თვალსაზრისით, ამ შემთხვევაში, ალბათ, შესაძლებელი იქნება, სააღდგომო ლიტურგიაზე დასწრება", — აღნიშნა ეზუგბაიამ.

რა ხდება მსოფლიოში

• ფეისბუქი ჟურნალისტიკაში $100 მლნ-ს ჩადებს, რადგან "პანდემიის დროს ეს უმნიშვნელოვანესია"
• უიმბლდონის ჩოგბურთის ჩემპიონატი კორონავირუსის გამო გაუქმდა
• შვეიცარიაში ერთ დღეში კორონავირუსის 963 შემთხვევა დადასტურდა
• ბრიტანეთში ბოლო 24 საათში კორონავირუსით 563 ადამიანი გარდაიცვალა
• იტალიაში 102 წლის ქალი კორონავირუსისგან განიკურნა
• პაპი ფრანცისკეს გენერალურ ვიკარს რომის ეპარქიაში კორონავირუსი დაუდასტურდა
• გერმანიის მთავრობამ მოსახლეობას მოუწოდა, რომ პირველ აპრილს კორონავირუსზე არ იხუმრონ
• ათონის მთაზე მონასტერში კორონავირუსი კიდევ 3 ბერს დაუდასტურდა
• ესპანეთში კორონავირუსით ინფიცირებულთა რიცხვმა 100 ათასს გადააჭარბა
• აშშ-მ კორონავირუსით დაღუპულთა რიცხვით ჩინეთს გაუსწრო
• Star Wars-ის მსახიობი, ენდრიუ ჯეკი კორონავირუსით გარდაიცვალა
• ფლორიდაში დააკავეს პასტორი, რომელიც ხალხმრავალი მრევლის წინაშე ქადაგებას განაგრძობდა
• სავარაუდოდ, წმინდა ცეცხლის რიტუალი მომლოცველების გარეშე ჩატარდება — Jerusalem Post

დღის მთავარი ჰედლაინი მსოფლიოში

მსოფლიოში კორონავირუსით ინფიცირებულთა 900 ათასზე მეტი შემთხვევა დაფიქსირდა

კორონავირუსის მსოფლიოში კიდევ უფრო სწრაფად ვრცელდება. ინფიცირებულების საერთო რაოდენობიდან 200 ათასი აშშ-ში გამოვლენილი შემთხვევებია. გარდა ამისა, 100 ათასზე მეტი შემთხვევაა ესპანეთსა და იტალიაში.

სამწუხაროდ, მზარდია გარდაცვლილთა მაჩვენებელიც. მხოლოდ პირველ აპრილს მსოფლიოში COVID-19-ით 4 ათასზე მეტი ადამიანი გარდაიცვალა.

რა ხდება საქართველოში

საქართველოში უკვე მეორე დღეა კომენდანტის საათი მოქმედებს. დღეს განისაზღვრა ის ეკონომიკური საქმიანობა, რომელიც შესაძლებელია საგანგებო მდგომარეობის პერიოდში განხორციელდეს. როგორც აღმოჩნდა, სურსათისა და სააფთიაქო ნაწარმის გარდა ონლაინ სხვა პროდუქციას ვეღარ შეიძენთ.

როგორც პრემიერ-მინისტრმა, გიორგი გახარიამ განაცხადა აღნიშნული ზომები ჯანმრთელობის უსაფრთხოების მიზეზით მიიღეს. მისივე თქმით, ყველა კომპანია, რომელიც უსაფრთხოების პირობებს დაიცავს, ონლაინვაჭრობის უფლება მიეცემა.

• როგორ შეიძლება, ვერ მოვითმინოთ 2 კვირა მუსიკალური პლეიერის ყიდვა — გახარია ონლაინვაჭრობაზე

ამასთან, საქართველოს მთავრობა მოქალაქეთა ნაწილს კომუნალურ გადასახადებს დაუფარავს.

ვის შეეხება აღნიშნული შეღავათი შეგიძლიათ ამ სტატიაში წაიკითხოთ:

• 36-37 ლარის დენი და 92 ლარამდე გაზი — ვის შეეხება მთავრობის შეღავათები

სხვა მნიშვნელოვანი სიახლეები:

• გახარია: სადაც შესაძლებელია, რელიგიური რიტუალები აღვასრულოთ სახლში, მოდით, ეს გავაკეთოთ სახლში
• ერთ-ერთი ახალი ინფიცირებული 10 წლის ბავშვია — მარინა ეზუგბაია
• ბულგარეთიდან საქართველოს 102 მოქალაქე ჩამოვიდა
• ილია მეორე: ტაძრის კარის დახურვა შეუძლებელია და იგი ღია იქნება მათთვის, ვინც ეკლესიაში მივა
• უცხოეთიდან მოქალაქეების დასაბრუნებლად დამატებითი ფრენები ბერლინიდან და ამსტერდამიდან იქნება
• საიდან მოიძიებს მთავრობა ეკონომიკის დასახმარებლად 2 მილიარდ ლარს — მინისტრის განმარტება
• საპატრიარქოსთან კოორდინაციაში ვართ, აღდგომა მოდის და შევჯერდებით, თუ როგორ ჩატარდება — ვახტანგ გომელაური
• რეკომენდაციების შეუსრულებლობის შემთხვევაში აგრარული ბაზრები დაიხურება — სამეგრელო-ზემო სვანეთის რწმუნებული
• დიაბეტის მქონე პირებს, რომლებიც სახელმწიფო პროგრამით სარგებლობენ, გლუკომეტრის ტესტ-ჩხირებს სახლში მიუტანენ
• საქართველო კორონავირუსთან დაკავშირებით სპეციალური მობილური აპლიკაციების დანერგვაზე მუშაობს — გაბუნია
• გახარიას თქმით, დაეხმარებიან ადამიანებს, ვინც სამსახური დაკარგა — უცნობია, რა ფორმით
• კორონავირუსთან ბრძოლისთვის მთავრობა 351 მილიონ ლარს გამოყოფს
• ამირან გამყრელიძის შვილი კორონავირუსისგან გამოჯანმრთელდა

დღის მთავარი ჰედლაინი ქართულ მედიაში

ეკონომიკის დახმარებისთვის 2 მილიარდი ლარი გამოიყოფა

პრემიერ-მინისტრის, გიორგი გახარიას განცხადებით, ეკონომიკის სტიმულირებისთვის ორი მილიარდი ლარი გამოიყოფა. მისივე განმარტებით, ეს დახმარება მიმართული იქნება, როგორც სამუშაო ადგილების შესანარჩუნებლად, ასევე კომპანიებისა და მიმდინარე წარმოების შესანარჩუნებლად.

დღის დამაიმედებელი ამბავი

იტალიაში 102 წლის ქალი კორონავირუსისგან განიკურნა

მას შემდეგ, რაც მთელ მსოფლიოში კორონავირუსი გავრცელდა, იტალიიდან განსაკუთრებით სამწუხარო სტატისტიკის შესახებ ვიგებთ ყოველდღიურად, თუმცა არის გამორჩეულად სასიხარულო გამონაკლისებიც და მათ შორისაა იტალიკა გრონდონას შემთხვევაც, რომელმაც 102 წლის ასაკში დაამარცხა კორონავირუსის ინფექცია.

ამბავი, რომელმაც გაგვაღიმა

მსოფლიოს მრავალ ქვეყანაში უსაფრთხოების ზომებიდან გამომდინარე მოსახლეობის თავისუფლად გადაადგილება შეზღუდულია. მათ შორის გამონაკლისი არც დიდი ბრიტანეთია, სადაც სახლიდან გასვლა მხოლოდ აუცილებლობის შემთხვევაში მთელი რიგი მითითებების გათვალისწინებით შეიძლება.

თუმცა, რა თქმა უნდა, ყველას როდი სურს რეკომენდაციები გაითვალისწინოს და ხშირად შეზღუდვების არიდებას სხვადასხვა გზით ცდილობენ.

მათ შორის ერთ-ერთი ყველაზე უჩვეულო შემთხვევის შესახებ ბრიტანელმა შეყვარებულმა წყვილმა, ნიკოლასმა და მედლინმა TikTok-ზე გაავრცელეს ვიდეო: როგორც თავად აცხადებენ, შენიშნეს მეზობელი, რომელიც ბუჩქის ფორმაშია გადაცმული, რათა მისი გადაადგილება ვერავინ შეამჩნიოს.

ერთად თავმოყრილი რეკომენდაციები

• ჯანდაცვის მსოფლიო ორგანიზაციის აუცილებელი რეკომენდაციები კორონავირუსისგან დასაცავად

• ჯანდაცვის სამინისტროს რეკომენდაციები ჟურნალისტებისთვის

• რეკომენდაციები თვითიზოლაციაში მყოფი პირებისთვის

• როგორ უნდა გაიკეთოთ, გამოიყენოთ და გადააგდოთ ნიღაბი

• როგორ დავიბანოთ ხელები სწორად კორონავირუსისგან დასაცავად

• როგორ ვიზრუნოთ ფსიქიკურ ჯანმრთელობაზე კორონავირუსის დროს

ნახეთ წინა შეჯამებები:

• კომენდანტის საათი საქართველოში და აშშ-ში მოხსნილი რეკორდები — 31 მარტის შეჯამება
• "ფაქტობრივი" საყოველთაო კარანტინი და ფატალური შემთხვევები ევროპაში — 30 მარტის შეჯამება
• ვირუსი, როგორც "მწარე წამალი" და დედამიწიდან ფულის ერთეულის "გასაქრობი" საშუალება — 29 მარტის შეჯამება
• გაბრაზებული იმნაძე, ინფიცირების უცნობი წყარო და 18000 ახალი შემთხვევა აშშ-ში — 28 მარტის შეჯამება
• 27 მარტი: ბორის ჯონსონის კორონავირუსი და უკან დაბრუნებული ტესტები — 27 მარტის შეჯამება