კათოლიკური ეკლესიის კარდინალს, პაპი ფრანცისკეს გენერალურ ვიკარს რომის ეპარქიაში ანჯელო დე დონატისს კორონავირუსი დაუდასტურდა. ამის შესახებ ინფორმაციას ვატიკანი ავრცელებს.

გამოცემა წერს, რომ კარდინალი საავადმყოფოში ორშაბათს გადაიყვანეს, მას სიცხე აქვს, თუმცა თავს კარგად გრძნობს. ვატიკანის ინფორმაციით, ცოტა ხნის წინ ვიკარს საკუთარ გუნდთან მცირე შეხვედრები ჰქონდა და მისი უახლოესი გარემოცვა იზოლაციაშია. გავრცელებული ინფორმაციით, ის ბოლო დღეებში ვატიკანში არ იმყოფებოდა და პაპთან მხოლოდ სატელეფონო კონტაქტი ჰქონდა.

შაბათს რომის პაპმა თქვა, რომ მას და მის ახლო გარემოცვას კორონავირუსი არ აქვს. ამის შესახებ BBC წერს. ანჯელო დე დონატისი გენერალური ვიკარის თანამდებობას 2017 წლიდან იკავებს და ის 66 წლისაა.

7 მარტს ცნობილი გახდა, რომ კორონავირუსის გავრცელების საფრთხის გამო წმინდა პეტრეს მოედანზე მორწმუნეების წინაშე პაპი ქადაგებით აღარ გამოვა. წირვა პირდაპირ ეთერში ტელევიზიების საშუალებით გავრცელდება.

11 მარტს ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად გამოაცხადა.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: