აშშ-ს შტატ ფლორიდაში დააკავეს პასტორი, რომელიც აკრძალვის მიუხედავად ხალხმრავალი მრევლის წინაშე ქადაგებას მაინც განაგრძობდა. ევანგელისტი პასტორი ამბობდა, რომ ქალაქ ტამპაში თავისი "მეგაეკლესიის" კარებს უკანასკნელ ჟამამდე არ დაკეტავდა.

შერიფის განცხადებით, პასტორ როდნი ჰოვარდ-ბრაუნს ორ პუნტს ედავებიან: უკანონო შეკრება და ჯანდაცვის საგანგებო წესების დარღვევა. მისივე თქმით, ხალმხრავალი შეკრებებით პასტორმა ადამიანების უსაფრთხოება უგულებელყო.

27 მარტიდან ჰილსბურგის ოლქში მოქალაქეებს სახლიდან გასვლის უფლება ეზღუდებათ, გარდა იმ შემთხვევებისა, როცა ისინი მაღაზიაში, აფთიაქში ან ექიმთან მიდიან. გამონაკლის შემთხვევებში ეკლესია არ შედის.

როგორც შერიფმა პრესკონფერენციაზე თქვა, მათ არაერთხელ მოუწოდეს ჰოვარდ-ბრაუნს, რომ ეკლესია დაეკეტა.

აშშ-ში კორონავირუსის თითქმის 190 ათასი შემთხვევაა დადასტურებული. ვირუსის შედეგად 4 081 ადამიანი გარდაიცვალა.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: