საქსტატის ინფორმაციით, აგვისტოში, წინა თვესთან შედარებით, ინფლაციის დონემ საქართველოში 0.4%, ხოლო წლიური ინფლაციის დონემ 5.6% შეადგინა.

რაც შეეხება საბაზო ინფლაციას, აღნიშნულმა მაჩვენებელმა 2026 წლის აგვისტოში, გასული წლის შესაბამის პერიოდთან შედარებით 3.8% შეადგინა, ხოლო თამბაქოს გარეშე წლიური საბაზო ინფლაციის მაჩვენებელი 3.6%-ით განისაზღვრა.

წლიური ინფლაციის ფორმირებაზე ძირითადი გავლენა იქონია ფასების ცვლილებამ შემდეგ
ჯგუფებზე:

ტრანსპორტი: ჯგუფში ფასები გაიზარდა 15.2%-ით, რაც წლიურ ინფლაციაზე 1.81%-ით აისახა. ფასები მომატებულია პირადი სატრანსპორტო საშუალებების ექსპლუატაციაზე (20.8%) და სატრანსპორტო მომსახურებაზე (12.8%);

სურსათის და უალკოჰოლო სასმელების ფასი 5%-ით გაიზარდა, რაც წლიურ
ინფლაციაზე 1.72%-ით აისახა.

ფასები მომატებულია სურსათის შემდეგ ქვეჯგუფებზე:

  • თევზეული — 18.1%-ით;
  • ხორცი და ხორცის პროდუქტები — 9.8%-ით;
  • ზეთი და ცხიმი — 7.8%-ით;
  • პური და პურპროდუქტები — 7.1%-ით;
  • ბოსტნეული და ბაღჩეული — 5.5%-ით;
  • ყავა, ჩაი და კაკაო — 5.4%-ით;
  • რძე, ყველი და კვერცხი — 2.9%-ით;
  • შაქარი, ჯემი და სხვა ტკბილეული — 1.9%-ით;

ხილსა და ყურძენზე ფასები 6.1%-ით შემცირდა.

რაც შეეხება საცხოვრებელ ხარჯებს — წყლის, ელექტრო ენერგიის და აირის ჯგუფში ფასებმა 8.5%-ით გაიზარდა.

  • ელექტროენერგია, აირი და სათბობის სხვა სახეებზე — 10.3%-ით;
  • საცხოვრებლის მიმდინარე მოვლა და შეკეთებაზე — 8.7%-ით;
  • ფაქტიური გადასახადი საცხოვრებელზე — 8.4%-ით.

ჯანმრთელობის დაცვის ქვეჯგუფში ფასები გაიზარდა 5.2%-ით, რაც ჯამურ ინფლაციაზე 0.44%-ით აისახა.

ფასები გაიზარდა ქვეჯგუფებზე: სამედიცინო პროდუქცია, აპარატურა და მოწყობილობა (8.7%) და ამბულატორიული სამედიცინო მომსახურება (2.4%).