Netflix მეთიუ პერის შესახებ სამნაწილიან დოკუმენტურ სერიალს უშვებს, რომელიც ვარსკვლავის ცხოვრებასა და კარიერას ეძღვნება — The One About Matthew Perry.

სერიალის მთხრობელი მეთიუს და, მია პერი ბოუიკი იქნება. პროექტი ოჯახის აქამდე გამოუქვეყნებელ ფოტო და ვიდეომასალასაც შეიცავს. Netflix-ის აღწერის მიხედვით, სერიალი მოგვიყვება მსახიობის გავლილ გზაზე ახალბედა კომიკოსიდან ადამიანამდე, რომელიც მთელ მსოფლიოს უყვარს. ამასთანავე, პროექტი მისი პირადი პრობლემების შესახებაც მოგვითხრობს.

ჯერჯერობით უცნობია, დოკუმენტურ სერიალში Friends-ის მსახიობებს თუ ვიხილავთ, თუმცა Netflix აღნიშნავს, რომ პროექტში პერის საუკეთესო მეგობრები და თანამშრომლები მონაწილეობენ.

ფოტო: Variety

"დრო დამჭირდა, რომ მზად ვყოფილიყავი ამ მოგონებების გასაზიარებლად და იმის აღსაწერად, თუ რას ნიშნავდა მეთიუს სიყვარული მისი ცხოვრების სირთულეების ფონზე" — აღნიშნა მეთიუს დამ, — "მეთიუს უდიდესი გული და კეთილი ბუნება ჰქონდა; ყველაზე ცუდ მომენტებშიც კი შეეძლო გაეცინებინე".

სერიალის რეჟისორმა და აღმასრულებელმა პროდიუსერმა, მერი რობერტსონმა, განაცხადა: "საზოგადოებამ მეთიუს ისტორიის მხოლოდ ნაწილი იცის. სწორედ ამიტომ გადავწყვიტეთ ამ სერიალის შექმნა: რათა იმ ადამიანებს, რომლებიც მეთიუს იცნობდნენ და უყვარდათ, საჯარო ფიგურის მიღმა არსებული რეალური პიროვნება დავანახოთ".

ფოტო: Vanity Fair

სერიალის პრემიერა 27 ოქტომბერს შედგება.