ამერიკის შეერთებული შტატების აღმოსავლეთ რეგიონებში მცხოვრები მილიონობით ამერიკელი უკვე დაიძრა ხმის მისაცემად. ისინი დღეს ქვეყნის 45-ე პრეზიდენტს ირჩევენ.

ამერიკის შეერთებული შტატების პრეზიდენტობის კანდიდატად სულ 1 738 მოქალაქეა დარეგისტრირებული. თუმცა, ყველა მათგანის სახელი არ იქნება საარჩევნო ბიულეტენში. მთელი ქვეყნის მასშტაბით ყველა ბიულეტენში ჩაწერილი იქნება დემოკრატიული პარტიის კანდიდატის, ჰილარის კლინტონისა და რესპუბლიკელების კანდიდატის, დონალდ ტრამპის სახელები. გამარჯვებულიც, სავარაუდოდ, სწორედ ამ ორს შორის გამოვლინდება.

პირველი უბანი სამშაბათ დილას ნიუ-ჰემფშირში გაიხსნა. ტელეგრაფის ცნობით, გამოკითხვებით ჰილარი კლინტონი დონალდ ტრამპს 3 პუნქტით უსწრებს.

ამ წუთებში, ნიუ-იორკში გახსნილ უბანზე ჰილარი კლინტონის მისვლას ელოდებიან.

ამერიკის შეერთებულ შტატებში საპრეზიდენტო არჩევნები დღეს, 8 ნოემბერს, იმართება. გაიგეთ როგორ ირჩევენ პრეზიდენტს ამერიკაში: საარჩევნო სისტემის დეტალები. ასევე ნახეთ, ვის აძლევენ ხმას ქართველი-ამერიკელები ნიუ-იორკში.