დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05

ინფექციური საავადმყოფოს დირექტორის, თენგიზ ცერცვაძის თქმით, საჭიროების შემთხვევაში, კორონავირუსის პრევენციის მიზნით, კერძო კლინიკები საქართველოს მასშტაბით 3 600 ადგილს გამოყოფენ. მისი თქმით, ამ თემაზე კერძო სექტორის წარმომადგენლებს პრემიერი შეხვდა, უკვე არსებობს წინასწარი შეთანხმება და დამატებითი დეტალები ზუსტდება.

"წინასწარი შეთანხმება არსებობს, რომ დიდი საავადმყოფოების ქსელში, როგორიც არის ევექსი, ავერსი, პსპ ნიუჰოსპიტალი, ღუდუშაურის საავადმყოფო და კიდევ სხვები, მაგრამ ეს 4 დიდი მოთამაშეა, რომელსაც მთელი ქვეყნის მასშტაბით აქვთ ქსელები. მათათნ მიღწეულია შეთანმხება, რომ ისინი გაამზადებენ გამოსათავისუფლებლად 3 600 ადგილს და მოთხოვნიდან 2 დღეში ეს ადგილები იქნება დაცლილი", — თქვა თენგიზ ცერცვაძემ.

თენგიზ ცერცვაძემ აღნიშნა, რომ ორშაბათს კიდევ ერთი შეხვედრა იგეგმება პრემიერთან, რომ მოხდეს საბოლოოდ ჩამოყალიბება, რომელ რეგიონში, რომელი კლინიკები გათავისუფლდება.

დღეს, 14 მარტს ცნობილი გახდა, რომ პირველ ეტაპზე, 15 მარტიდან 5 საავდმყოფოში 451 ადგილი განთავისუფლდება. ხუთივე საავადმყოფო მიიღებს კორონავირუსთან დაკავშირებით შესულ პაციენტებს. თენგიზ ცერცვაძის თქმით, სახელმწიფო ამ ზომებს იღებს, რათა მოსახლეობა მშვიდად იყოს.

დღეს, 14 მარტს საქართველოში კორონავირუსით ინფიცირების კიდევ 5 შემთხვევა დადასტურდა და ინფიცირებულების რაოდენობა 30-მდე გაიზარდა.

პანდემია და რეკომენდაციები

მას შემდეგ, რაც ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად გამოაცხადა, საქართველოს მთავრობა მუშაობის საგანგებო რეჟიმზე გადავიდა და ახალი შეზღუდვები და რეკომენდაციები გაავრცელა.

საქართველოში კორონავირუსით ინფიცირების 30 შემთხვევაა დადასტურებული: პირველი 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე — 29 თებერვალს, მეოთხე — 5 მარტს დილით, დანარჩენი 5 კი ამავე დღეს საღამოს, 7 მარტს კორონავირუსით ინფიცირების კიდევ 4 შემთხვევა დადასტურდა, 9 მარტს კორონავირუსი 2 პაციენტს დაუდასტურდა, 10 მარტს კი კორონავირუსის კიდევ 8 შემთხვევა დადასტურდა, კიდევ 1 შემთხვევა კი — 11 მარტს, 25-ე შემთხვევა 12 მარტს დადასტურდა.

ასევე, 4 მარტს კორონავირუსი დაუდგინდა იტალიაში მცხოვრებ საქართველოს მოქალაქეს.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: