დაავადებათა კონტროლის ცენტრის ცხელი ხაზი 116 001

თბილისის მერის, კახა კალაძის თქმით, კორონავირუსის პრევენციული ღონისძიებების ფარგლებში დროებით შეიზღუდება თბილისის მერიის გარკვეული სერვისები. კახა კალაძე ამით თბილისის მთავრობის სხდომაზე პრემიერის განცხადებას გამოეხმაურა. გიორგი გახარიას თქმით, მთავრობა 24-საათიაან საგანგებო მუშაობის რეჟიმზე გადადის.

თბილისის მერიაში შეიზღუდება მიწის ლეგალიზაციის განცხადება და უფასო იურიდიული დახმარების გაწევა, ასევე, არქიტექრურისა და ურბანული სამსახურის მიმართულება. არქიტექტურის კუთხით მომსახურების გაწევა ელექტრონულად იქნება შესაძლებელი. მერმა, ასევე, დაავალა საქალაქო სამსახურის ხელმძღვანელებსა და გამგებლებს, თანამშრომლებს დისტანციურად მუშაობის საშუალება მისცენ, რაც არ უნდა აისახოს მათ ხელფასებზე.

კახა კალაძის თქმით, აღარ ჩატარდება ისეთი კომისიები ან საბჭოს სხდომები, რასაც მოქალაქეები ესწრებიან:

  • თბილისის მერიაში შესული ადდმინისტრაციული საჩივრების განხილვა;
  • პირის მუნიციპალიტეტის ტერიტორიაზე ცხოვრების ყოფნის დამდგენი კომისიები;
  • თბილისის მუნიციპალიტეტის მერიის მოხელეების ვაკანტური თანამდებობების დასაკავებლად კონკურსების ჩატარება;
  • კულტურული მემკვიდრებობის დაცვისა და ისტორიული საბჭოს სხდომები;
  • კულტურული ღონისძიებების დაფინანსების თაობაზე კომისიების სხდომები;
  • თბილისის მერთან დაკავშირებული თვითნებურად დაკავებული საკუთრების აღიარების კომისიების სხდომები;
  • დაუმთავრებელ მშენებლობებთან დაკავშირებული საკითხების განმხვილველი კომისიის სხდომები.

11 მარტს ჯანდაცვის მსოფლიო ორგანიზაციამ COVID-19, იგივე კორონავირუსი, რომელმაც გავრცელება 3 თვის წინ დაიწყო, საერთაშორისო პანდემიად გამოაცხადა.

საქართველოში კორონავირუსით ინფიცირების 24 შემთხვევაა დადასტურებული: პირველი 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე — 29 თებერვალს, მეოთხე — 5 მარტს დილით, დანარჩენი 5 კი ამავე დღეს საღამოს, 7 მარტს კორონავირუსით ინფიცირების კიდევ 4 შემთხვევა დადასტურდა, 9 მარტს კორონავირუსი 2 პაციენტს დაუდასტურდა, 10 მარტს კი კორონავირუსის კიდევ 8 შემთხვევა დადასტურდა, კიდევ 1 შემთხვევა კი — 11 მარტს.

ასევე, 4 მარტს კორონავირუსი დაუდგინდა იტალიაში მცხოვრებ საქართველოს მოქალაქეს.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: