5 გზა იმისთვის, რომ ვირუსებს ძლიერი იმუნიტეტით გავუწიოთ წინააღმდეგობა
თანამედროვე ცხოვრების სტილი ხშირად ჩვენს ჯანმრთელობას იმაზე მეტად აზიანებს, ვიდრე წარმოგვიდგენია: ოფისში მუშაობის მჯდომარე სტილი, მუდმივი სტრესი თუ არასათანადო კვება იმუნურ სისტემას ასუსტებს, რითაც ვირუსებს საქმეს ვუმარტივებთ.
ადამიანის ორგანიზმი დაბადებიდანვე შესაბამისი იმუნური ფუნქციითაა აღჭურვილი, რათა გარემო-ფაქტორებისა და უცხო სხეულებისგან თავის დაცვა შეძლოს. იმის მიუხედავად, რომ იმუნური სისტემა მეტწილად ბავშვობის ადრეულ წლებში ყალიბდება, ამასთანევე დიდი გავლენა აქვს მთელი შემდგომი ცხოვრების სტილს: რამდენად ვუფრთხილდებით ჩვენს ჯანმრთელობას და ვიცავთ თავს მავნე ჩვევებისგან.
მიუხედავად იმისა, რომ ეს ყველაფერი ერთი შეხედვით რთულად განსახორციელებელ მისიად შეიძლება წარმოიდგინოთ, ახლა იმ ყველაზე მნიშვნელოვან და აუცილებელ გზებზე მოგიყვებით, რომლებსაც თქვენს ყოველდღიურ რუტინად თუ გაიხდით, თქვენი ორგანიზმი არა მხოლოდ სეზონურ გრიპებს, არამედ სხვა ბევრად უფრო რთულ დაავადებებსაც გაცილებით მარტივად გაუმკლავდება:
1. შეზღუდეთ თამბაქოს მოხმარება
აქედანვე გაგაფრთხილებთ, რომ თუ ამ რჩევას ვერ გაითვალისწინებთ, ყველა ქვემოთ ჩამოთვლილი პუნქტიც რომ იდეალურად შეასრულოთ, სასურველი შედეგის მიღება ძალიან გაგიჭირდებათ.
იმასთან ერთად, რომ სიგარეტის მოწევა თქვენს ბიუჯეტს აჩანაგებს, ასეთივე წარმატებით ასუსტებს თქვენს იმუნურ სისტემას, რის გამოც ორგანიზმი სათანადოდ ვეღარ ახერხებს ინფექციებთან ბრძოლას.
მეტიც — ნიკოტინი უფრო სერიოზული ავტოიმუნური დაავადებების განვითარების შანსსაც ზრდის, შესაბამისად, ბევრი ფიქრი არ სჭირდება იმას, რომ ამ მავნე ჩვევას რაც შეიძლება მალე უნდა დაემშვიდობოთ.
2. ჯანსაღი საკვები საუკეთესო მეგობრად აღიარეთ
ვის არ უყვარს მარილიანი სასუსნავებით თავისუფალი საღამოების გატარება, სამოთხის გემოებივით მრავალფეროვანი ტკბილეულით პირის ჩატკბარუნება და მგელივით მოშიებულზე სწრაფი კვების ბურგერებით დანაყრება. თუმცა თუ ამ ყველაფერს იშვიათი გამონაკლისის ნაცვლად, როგორც საკუთარი თავისთვის გამეტებულ ჯილდოს, ყოველდღიურ წესად გავიხდით, ჩვენი სხეული ყველა საჭირო ნივთიერებისგან გამოიფიტება, რაც იმუნური სისტემის დაუძლურებასთან ერთად კიდევ მრავალ არასასიამოვნო შედეგსაც გამოიწვევს.
ყოველდღიური რაციონის ჯანსაღი საკვებით შევსება არც ისე რთულია, ვიდრე გგონიათ: თუ კარგად დაფიქრდებით, იმასაც აღმოაჩენთ, რომ სწრაფი კვების კერძები უმეტესად ყველა ერთმანეთს ჰგავს და მოსაწყენიცაა. სასუსნავებისა და მსუყე დესერტის ჩანაცვლება კი ტკბილი ხილით კიდევ უფრო მარტივად გამოგივათ.
3. დაუთმეთ მეტი დრო ძილს
მართალია, დრო ყოველთვის არასაკმარისი გვგონია, მით უმეტეს თანამედროვე ცხოვრების ტემპს თუ გავითვალისწინებთ და გვინდა არცერთი წუთი დავხარჯოთ უქმად, თუმცა ძილში გატარებული დრო ნამდვილად არ არის ძვირფასი საათების ფუჭად ხარჯვა: ზრდასრულმა ადამიანმა დღეში რვა საათი მაინც უნდა იძინოს, რათა გადაღლილმა ორგანიზმმა სათანადოდ დასვენება და ენერგიების აღდგენა მოახერხოს.
წინააღმდეგ შემთხვევაში კი უძილობა პირდაპირ იმოქმედებს, როგორც ჩვენს გუნება-განწყობისა და მენტალური ჯანმრთელობის გაუარესებაზე, ისე იმუნიტეტის დასუსტებაზე, შესაბამისად, ეცადეთ, რომ გვიანობამდე საყვარელი სერიალებისთვის გამოყოფილი დრო შეამციროთ და ძილში მეტი დრო გაატაროთ.
4. მაქსიმალურად შეამცირეთ ალკოჰოლის მიღება
მიუხედავად იმისა, რომ ხშირად სხვადასხვა ტიპის ალკოჰოლურ სასმელზე მითები წარმოუდგენლად სწრაფად ვრცელდება — თითქოს, ისინი ორგანიზმს ინფექციებთან ბრძოლაში ეხმარება, სინამდვილეში ალკოჰოლის ჭარბი მოხმარება ორგანიზმს სათანადო ფუნქციონირებაში ხელს უშლის და სხვადასხვა მნიშვნელოვანი ორგანოების დაზიანების რისკთან ერთად იმუნურ სისტემას მკვეთრად ასუსტებს.
შესაბამისად, სიგარეტის მოწევის მსგავსად, ალკოჰოლის მიღებაც იმ მავნე ჩვევათა რიგს მიეკუთვნება, რომლებსაც სამუდამოდ თუ ვერ დაემშვიდობებით, მაქსიმალურად მაინც უნდა შეზღუდოთ.
5. რეგულარული ვარჯიში ჰობად აქციეთ
ერთი მხრივ თანამედროვე ცხოვრების სტილმა ადამიანებს უამრავი რამ გაუმარტივა და კომფორტის ზონა შეუქმნა, თუმცა ამავდროულად მკვეთრად შეამცირა ფიზიკური აქტივობის აუცილებლობა, რაც პირდაპირ აისახება ჩვენი ცხოვრების ხარისხზე. იმის გამო, რომ ჩვენი ყოველდღიური სამუშაო ხშირ შემთხვევაში ფიზიკურ დატვირთვას არ მოითხოვს და ტრასპორტის ხელმისაწვდომობაც მოძრაობის საჭიროებას გვიმცირებს, ჩვენი სხეული მეტისმეტად ზარმაცდება.
ამის გამოსწორება დასაწყისისთვის სულ მარტივად იმით შეგვიძლია, რომ დღეში მინიმუმ ნახევარი საათი მაინც სეირნობას დავუთმოთ. ამავდროულად კი შეგვიძლია სახლში მარტივი ვარჯიშების გასაკეთებლად ყოველდღიურად თუნდაც მცირე დრო გამოვყოთ.
ასევე შეგვიძლია გავიხსენოთ სპორტის ის საყვარელი მიმართულება, რომელიც ბავშვობაში გვიტაცებდა, ან გვინდოდა, რომ ოდესმე გვეცადა: ცურვა, კალათბურთის თამაში, ჩოგბურთი და სხვა ნებისმიერი თქვენთვის საინტერესო სპორტის სახეობა ერთდროულად დროის საინტერესოდ გატარებაშიც დაგეხმარებათ და თქვენს სხეულსაც უფრო გააჯანსაღებს.
ხოლო იმ შემთხვევაში, თუ ფიქრობთ, რომ ნებისყოფა ამ ყველაფრის სათანადოდ შესრულებაში არ გეყოფათ, გამოსავალი მაშინაც არსებობს: სავარჯიშო დარბაზი ხელს შეგიწყობთ უფრო მოტივირებულები იყოთ და ვარჯიში მუდმივ რუტინად აქციოთ.
თანამედროვე და მრავალფეროვანი სავარჯიშო მოწყობილობები ხელს შეგიწყობთ თქვენი აქტივობა მაქსიმალური შედეგის მომცემი იყოს, საჭიროების შემთხვევაში პირადი ტრენერი სწორ მიმართულებას მოგცემთ, სავარჯიშო დარბაზის გარემო კი შეგახსენებთ, რომ ერთადერთი არ ხართ, ვისაც ვარჯიში სჭირდება.
შესაბამისად, ნუღარ დაელოდებით ახალ ორშაბათს ან შემდეგ წელს, ახლავე შეგიძლიათ დაიწყოთ საკუთარ ჯანმრთელობაზე ზრუნვა და ჯანსაღ სხეულთან ერთად ყველა შესაძლო პრობლემას უფრო მარტივად გაუმკლავდებით.
ამ მიზნის მარტივად მიღწევაში კი ევროპაში ლიდერი კომპანია ფიტპასი დაგეხმარებათ: ფიტპასის სერვისის სარგებლობისას ერთდროულად ხელი მიგიწვდებათ მრავალ ფიტნეს დარბაზზე, საცურაო აუზზე, ჯგუფური ვარჯიშების სტუდიასა და სხვა სპორტულ დაწესებულებაზე. ეს ყველაფერი კი მხოლოდ ერთი ფიტპას ბარათის საშუალებით, რომელიც უამრავ სარგებელთან ერთად ჯანსაღი ცხოვრების წესის დაცვას წარმოუდგენლად გაგიმარტივებთ.
-
გადახედვაორსულების დიეტა ნაყოფის სახის მახასიათებლებზე მოქმედებს — კვლევა ორსულების დიეტა ნაყოფის სახის მახასიათებლებზე მოქმედებს — კვლევა
-
გადახედვაComcom-მა დათვალა, რამდენმა ადამიანმა უყურა საქართველო-საბერძნეთის მატჩს პირველ არხზე Comcom-მა დათვალა, რამდენმა ადამიანმა უყურა საქართველო-საბერძნეთის მატჩს პირველ არხზე
-
გადახედვანახეთ: როგორ ჩანს დედამიწაზე სეზონების ცვლილება კოსმოსიდან ნახეთ: როგორ ჩანს დედამიწაზე სეზონების ცვლილება კოსმოსიდან
-
გადახედვასომხეთში სოლოვიოვის პროპაგანდისტული გადაცემების ტრანსლირება აიკრძალა სომხეთში სოლოვიოვის პროპაგანდისტული გადაცემების ტრანსლირება აიკრძალა
-
-
გადახედვაროგორი ამინდი იქნება შაბათ-კვირას როგორი ამინდი იქნება შაბათ-კვირას
-
გადახედვაბჟანიას გადადგომის მოთხოვნით სოხუმში აქტივისტი შიმშილობს ბჟანიას გადადგომის მოთხოვნით სოხუმში აქტივისტი შიმშილობს
-
გადახედვაჯიფსი როუზი ციხის დატოვებიდან 3 თვის შემდეგ განქორწინდა ჯიფსი როუზი ციხის დატოვებიდან 3 თვის შემდეგ განქორწინდა
-
გადახედვათბილისის ოპერისა და ბალეტის თეატრში შრომითი უფლებების დარღვევა გამოვლინდა - კულტურის პროფკავშირი თბილისის ოპერისა და ბალეტის თეატრში შრომითი უფლებების დარღვევა გამოვლინდა - კულტურის პროფკავშირი
-
გადახედვადედაჩემის იპოთეკა დავფარე, რაც ჩემთვის ძალიან მნიშვნელოვანი იყო — სიდნი სვინი დედაჩემის იპოთეკა დავფარე, რაც ჩემთვის ძალიან მნიშვნელოვანი იყო — სიდნი სვინი
-
გადახედვაფრანგული კომპანიისგან ნაყიდი პირველი სამაშველო ვერტმფრენი H 145 უკვე საქართველოშია ფრანგული კომპანიისგან ნაყიდი პირველი სამაშველო ვერტმფრენი H 145 უკვე საქართველოშია
-
გადახედვაბაკურიანში, ზვავში მოყოლილი ადამიანის სამძებრო-სამაშველო ოპერაცია განახლდა ბაკურიანში, ზვავში მოყოლილი ადამიანის სამძებრო-სამაშველო ოპერაცია განახლდა
-
-
გადახედვაინფოგრაფიკა: პრინციპები, რომელსაც მოსამართლე უნდა ეყრდნობოდეს ინფოგრაფიკა: პრინციპები, რომელსაც მოსამართლე უნდა ეყრდნობოდეს
-
გადახედვაბასიანი: კანონი სრულად ზღუდავს გამოხატვისა და შეკრების თავისუფლებას, აწესებს ცენზურას ფაქტობრივად ყველა სფეროზე ბასიანი: კანონი სრულად ზღუდავს გამოხატვისა და შეკრების თავისუფლებას, აწესებს ცენზურას ფაქტობრივად ყველა სფეროზე
-
-
გადახედვასაქართველოს 10 საუკეთესო გამოსვლა ევროვიზიაზე საქართველოს 10 საუკეთესო გამოსვლა ევროვიზიაზე
-
გადახედვამასშტაბური კვლევის თანახმად, ვიაგრა ალცჰაიმერის განვითარების რისკებს 50%-ით ამცირებს მასშტაბური კვლევის თანახმად, ვიაგრა ალცჰაიმერის განვითარების რისკებს 50%-ით ამცირებს
-
-
-
გადახედვამედიაკოალიცია სამართალდამცავ უწყებებს მოუწოდებს, ჟურნალისტ ნატო გოგელიას სახლში შეღწევისა და ქონების დაზიანების ფაქტი დროულად გამოიძიონ მედიაკოალიცია სამართალდამცავ უწყებებს მოუწოდებს, ჟურნალისტ ნატო გოგელიას სახლში შეღწევისა და ქონების დაზიანების ფაქტი დროულად გამოიძიონ
კომენტარები