ნაციონალური მოძრაობის წევრი, თინა ბოკუჩავა ამბობს, რომ ქართული ოცნების მიერ შემოთავაზებულ 40%-იანი სისტემისთვის მხარდაჭერას არ განიხილავენ, სანამ მმართველი გუნდი კონკრეტულ ციფრებში არ დაასახელებს მანდატების როგორ განაწილებას გულისხმობენ. ამის შესახებ ბოკუჩავამ ლეიბორისტული პარტიის ოფისში ოპოზიციის შეხვედრის შემდეგ განაცხადა.

მისი თქმით, ნაციონალური მოძრაობისთვის "პრინციპულია", რომ ნებისმიერი შეთანხმება ეხებოდეს არა მხოლოდ საარჩევნოს სისტემას, არამედ პოლიტპატიმრებსა და პოლიტიკური დევნის შეჩერებას.

"გუშინ გაკეთებულ განცხადებაში ჩვენ მოვისმინეთ, რომ ქართული ოცნება საუბრობს 40%-იან ჩამკეტზე, მაგრამ არ სურს ამ 40%-იანი ჩამკეტის რეალურ ციფრებში გადმოტანა, რაც მოგვცემდა მარტივ განჭვრეტად საარჩევნო სისტემას, რომლის ბოროტად გამოყენების შესაძლებლობა რ დარჩებოდა ხელისუფლებას. ამიტომ თუ ისინი იქნებიან მზად, ერთი მხრივ, რომ ეს 40%-იანი ჩამკეტი გადათარგმნონ კონკრეტულ ციფრებში და თუ ამაზე იქნება ერთიანი ოპოზიუციური პოზიცია, ჩემი აზრით, მხოლოდ შემდგომ შეგვიძლია ვიმსჯელოთ ჩვენ ამ საკითხებზე"— განაცხადა ბოკუჩავამ.

დღეს, 2 მარტს, ევროპული საქართველოს ლიდერმა გიგა ბოკერიამ გაცხადა, რომ მმართველ გუნდთან "შეთანხმება და ნორმალიზაცია" ვერ მოხდება, თუ ისინი პოლიტპატიმრების საკითხზე და 130/20 საარჩევნო სისტემაზე არ დათანხმდებიან. თუმცა, მისი თქმით, თუ ქართული ოცნება 130/20-ზე სისტემის კანონპროექტს შეიტანს პარლამენტში, ისინი მხარს დაუჭერენ და "სალაპარაკოს არ დაუტოვებენ"

• თუ პოლიტპატიმრების გარეშე მოდელზე შეთანხმდებიან, ჩვენც გავიზიარებთ ამ შინაარს — ჯაფარიძე

ამ ეტაპზე ოპოზიცია და მმართველი გუნდი დიალოგს დიპლომატიურ კორპუსთან ერთად არაოფიციალურ შეხვედრებზე აგრძელებს. ოფიციალური მოლაპარაკებების ფორმატი მაშინ შეწყდა, როცა ევროპული საქართველოს ლიდერი გიგი უგულავა დააკავეს.

მას შემდეგ, რაც საარჩევნო სისტემაზე საუბარი განახლდა, ოპოზიციამ მოითხოვა, რომ უმრავლესობის ჩამოყალიბება ვერ შეძლოს ვერცერთმა პარტიამ, რომელიც ხმების 40%-ზე ნაკლებს აიღებს. ოპოზიციის განცხადებით, ერთადერთი თანაფარდობა, რომელიც უზრუნველყოს წარმომადგენლობის პროპორციულობას არის 130/20-ზე. მათი მთავარი მოთხოვნა იყო დაკავებული ოპოზიციონერების გათავისუფლებაც.

ქართულ ოცნებაში განაცხადეს, რომ 40%-იან ბარიერზე თანახმა არიან, რადგან 50%-ზე ნაკლების აღებას არ აპირებენ. საპასუხოდ მათ ოპოზიციას 110/40-ზე ფორმატი შესთავაზეს, თუმცა დაკავებულ ოპოზოციონერებს ისინი პოლიტპატიმრებად არ მიიჩნევენ. ამიტომ ოპოზიციამ მოლაპარაკებების მეხუთე რაუნდზე უარი განაცხადა.

ამავე თემაზე:

• მომგები მოიგებს, ვინც წააგებს, წააგებს — არჩილ თალაკვაძე საარჩევნო სისტემის შეთავაზებაზე
• ჩვენი მხრიდან ისეთი მოდელია მოფიქრებული, თუ შარზე არ ხარ, შეუძლებელია არ დათანხმდე — მდინარაძე

შეწყვეტილი დიალოგი და საარჩევნო სისტემა

მას შემდეგ, რაც ბიძინა ივანიშვილმა დაპირება არ შეასრულა და 2020 წლის საპარლამენტო არჩევნებისთვის პროპორციულ საარჩევნო სისტემაზე გადასვლას უმრავლესობის წევრებმა მხარი არ დაუჭირეს, ოპოზიციასა და მმართველ გუნდს შორის დიპლომატების მედიატორობით დაიწყო. სადაც მმართველმა გუნდი ოპოზიციას პროპორციული მანდატების 100-მდე გაზრდას და მაჟორიტარულის 50-მდე შემცირებას სთავაზობდა.

ოპოზიციასა და ხელისუფლებას შორის დიპლომატების ორგანიზებული მოლაპარაკებები ოპოზიციონერ გიგი უგულავას დაკავების შემდეგ ჩაიშალა. თბილისის ყოფილ მერსა და ოპოზიციის ერთ-ერთ ლიდერს პატიმრობაში ყოფნა ისევ 3 წლით, 2 თვითა და 8 დღით მოუწევს. საქმეზე, რომელზეც უგულავა რამდენიმე წლის წინ მსჯავრდებული იყო, გადაწყვეტილება უზენაესმა სასამართლომ დღეს, 10 თებერვალს გამოაცხადა.

უგულავას განაჩენის გამოცხადების შემდეგ ოპოზიციამ განაცხადა, რომ საარჩევნო სისტემაზე მთავრობასთან მოლაპარაკებას წყვეტს და საპროტესტო აქციები დაიწყება. მათი თქმით შემდგომ მოლაპარაკებას აზრი არ აქვს, თუ მმართველი გუნდი პოლიტპატიმრებს არ გაათავისუფლებს და ისეთ საარჩევნო მექანიზმს არ დათანხმდება, რომელიც 40%-ზე ნაკლები მხარდაჭერის მქონე პარტიას არ მთავრობის დაკომპლექტების საშუალებას არ მისცემს. ოცნების დეპუტატებმა უგულავას პატიმრობა "ადეკვატურ განაჩენად შეაფასეს".

ამ ეტაპზე ოპოზიცია და მმართველი გუნდი დიალოგს დიპლომატიურ კორპუსთან ერთად არაოფიციალურ შეხვედრებზე აგრძელებს. ოპოზიციის განცხადებით, ერთადერთი თანაფარდობა, რომელიც უზრუნველყოფს წარმომადგენლობის პროპორციულობას არის 130/20-ზე, თუმცა ისინი პოლიტპატიმრების გათავისუფლების გარეშე ოცნებასთან შეთანხმებაზე უარს ამბობენ.

ქართულ ოცნებაში განაცხადეს, რომ 40%-იან ბარიერზე თანახმა არიან, რადგან 50%-ზე ნაკლების აღებას არ აპირებენ. საპასუხოდ მათ ოპოზიციას 110/40-ზე ფოტმატი შესთავაზეს, თუმცა დაკავებულ ოპოზოციონერებს ისინი პოლიტპატიმრებად არ მიიჩნევენ.