ბაჩა-ბაზის ტრადიცია, რომელიც ცენტრალურ აზიაში უძველესი დროიდან არსებობს, ავღანეთში 80-იანი წლებიდან მკვეთრად გააქტუალურდა. 6-7 წლის ბიჭებს ჯერ ღარიბი ოჯახებიდან ყიდულობენ, შემდეგ ასწავლიან ცეკვასა და თამაშს, ბოლოს კი მდიდარ მამაკაცებზე ყიდიან. მიუხედავად იმისა, რომ ამ საქმიანობას ავღანეთის მთავრობა მკაცრად კრძალავს, მყიდველების უმრავლესობამ ან არ იცის კანონის არსებობა, ან უბრალოდ უგულებელყოფს.

პატრონი და მოცეკვავე ბიჭი

პატრონი და მოცეკვავე ბიჭი

ფოტო: libertynews

ფოტო: ariananews

ზოგიერთი ავღანელი მამაკაცისათვის მოცეკვავე ბიჭის ყოლა მაღალი სოციალური სტატუსის მანიშნებელია, რადგან ბაჩა-ბაზის ტრადიციას ძირითადად მაღალჩინოსანი ან მდიდარი ბიზნესმენები მისდევენ. მათი აზრით, თუ საკუთარ თავს ასეთი გართობისა და ფუფუნების უფლებას აძლევ, უფრო გავლენიანი და წარმატებული ხარ.

2010 წელს ავღანელმა ჟურნალისტმა, ნაჯიბულა ქურეიშმა გადაიღო დოკუმენტური ფილმი "ბიჭებთან ცეკვა ავღანეთში". ფილმის პრემიერა ერთდროულად შედგა აშშ-სა და ევროპის რამდენიმე ქვეყანაში. მიუხედავად იმისა, რომ 52-წუთიან ფილმში ნათლად ჩანს, თუ როგორ ყიდულობენ, შემდეგ კი ძალადობენ არასრულწლოვან ბიჭზე, დასავლურ საზოგადოებას რეაქცია არ ჰქონია.

სამწუხაროდ, ეს საშინელი ტრადიცია მხოლოდ თამაშსა და ცეკვას არ გულისხმობს. გაყიდული ბიჭების სიცოცხლის საშუალო ხანგრძლივობა 20 წელია, რადგან ისინი ხშირად სექსუალური თუ ფიზიკური ძალადობის მსხვერპლი ხდებიან. მათი უფლებების დასაცავად კი მსოფლიო დიდ ძალისხმევას არ ხარჯავს. იმის გამო, რომ ბიჭების ყიდვის პროცესი მაქსიმალურადაა გასაიდუმლოებული, სტატისტიკა იმის შესახებ, თუ რამდენი ბიჭია ამ "გართობის" მსხვერპლი, არ არსებობს.