Reuters-ის ცნობით, ბრიუსელში, ევროკავშირის სამიტის პირველ დღეს, ევროკავშირის ლიდერებმა სირიაში რუსეთის ქმედებები დაგმეს, თუმცა იტალია მოსკოვისთვის სანქციების დაწესების წინააღმდეგ გამოვიდა.

მოლაპარაკებების დასრულების შემდეგ, შუაღამისას, სამიტის კომუნიკე სანქციების დაწესების შესახებ შეიცვალა უფრო ბუნდოვანი შინაარსის ტექსტით:

"ევროკავშირი განიხილავს ყველა შესაძლო ხერხს, რაც ამ კრიმინალურ ქმედებებს შეაჩერებს".

იმის გამო, რომ რუსულმა ავია დარტყმებმა სირიაში შეიწირა ასობით მშვიდობიანი მოქალაქე, მათ შორის ბავშვები, ევროკავშირის სამ ყველაზე დიდი ქვეყენას, ბრიტანეთს, საფრანგეთსა და გერმანიას სურს, რომ მაქსიმალური ზეწოლა განახორციელონ მოსკოვზე, ალეპოზე თავდასხმების შესაჩერებლად.

იტალიის პრემიერ მინისტრმა მატეო რენციმ, რომლის ქვეყანას ფართო სავაჭრო ურთიერთობა აქვს რუსეთთან, განაცხადა რომ ეკონომიკური სანქციები არ შეიძლება ჩაითვალოს სტრატეგიად, რადგან რუსეთს მაინც ვერ აიძულებენ სამშვიდობო შეთანხმების განხორციელებას:

"ჩვენ ყველაფერი უნდა გავაკეთოთ სირიაში მშვიდობის მისაღწევად, მაგრამ რთული წარმოსადგენია ეს რუსეთზე დაკისრებული სანქციების ფონზე".

ევროკავშირს არანაირი სამხედრო როლი არ აქვს სირიის სამოქლაქო ომში. მას ნეიტრალური სტატუსი უჭირავს გაეროს დასახმარებლად, რომ ხუთწლიანი კონფლიქტი დასრულდეს.