ნაციონალური მოძრაობის ლიდერი გრიგოლ ვაშაძე პარლამენტთან შეკრებილებს პარლამენტის პიკეტირებისკენ მოუწოდებს.

"არსად არ ვიშლებით და ვისაც ერთი ადგილი აქვს, ვიწყებთ პარლამენტის პიკეტირებას. იმიტომ, რომ ამ ორგანომ დაკარგა მთლიანად ლეგიტიმაცია...

კონსტიტუციით და კანონმდებლობით გათვალისწინებული ყველა რადიკალური ინსტრუმენტი უნდა გამოვიყენოთ, რომ საქართველო დავუბრუნოთ მის მოქალაქეს", — განაცხადა ვაშაძემ პარლამენტთან მიმდინარე აქციაზე.

შინაგან საქმეთა სამინისტრომ დღეს დაგეგმილი აქციის მონაწილეები გააფრთხილა, რომ ადმინისტრაციული ორგანოების შტურმი ან ბლოკირების მცდელობა დაუყოვნებლივ იქნება აღკვეთილი. უწყებაში აცხადებენ, რომ პოლიცია იმოქმდებს კანონის ფარგლებში. სწორედ ამავე მიზეზით დაშალეს მათ 20 ივნისს გამართული ანტიოკუპაციური აქცია.

პარლამენტში შენობაში უკვე განლაგებულია გაძლიერებული საპოლიციო ძალები. საკანონმდებლო ორგანოში სპეცრაზმმა იარაღიც შეიტანა. საპატრულო პოლიციის უფროსი, ვაჟა სირაძე ამბობს, რომ პარლამენტში ცეცხლსასროლი იარაღი არ არის.

მთელი ოპოზიციური სპქეტრი და სამოქალაქო საზოგადოება პროპორციული საარჩევნო სისტემის კანონპროექტის ჩაგდებას აპროტესტებს და ვადამდელ საპარლამენტო არჩევნებს მოითხოვს.