ამერიკელი ფილოსოფოსი და პოლიტოლოგი, ფრენსის ფუკუიამა თბილისში ვიზიტისას საქართველოში არსებულ პილიტიკურ ვითარებას აფასებს. ის ამბობს, რომ საქართველომ "საკმაოდ კარგად გაართვა თავი თავისი დემოკრატიული განვითარების საქმეს", თუმცა დასძენს, რომ "წინ კიდევ დიდი გზაა გასავლელი".

"რეალურად, საკითხი ისე დგას, რომ ძალაუფლება არის იმ ადამიანის ხელში, რომელიც არჩეული არაა. სწორედ ამ მხრივ არის საჭირო, არსებობდეს გამჭვირვალე მმართველობა, უნდა იყოს ცნობილი რეალურად ვის ხელშია და ვინაა მთავარი პოლიტიკური აქტორი", — ამბობს ფუკუიამა ჟურნალისტებთან საუბარში.

მისი თქმით, ძლიერი კონსენსუსია აშშ-ს კონგრესში იმაზე, რომ მხარი დაუჭირონ საქართველოსა და უკრაინაში დემოკრატიის განვითარებას:

"შეიძლება, ჩვენს პრეზიდენტს [დონალდ ტრამპს] სხვა საგარეო პოლიტიკის მოსაზრებები აქვს, მაგრამ, ზოგადად, არსებობს ნამდვილად სიმპატიები როგორც დემოკრატებს, ისე რესპუბლიკელებს შორის...".

ფუკუიამამ On.ge-სთან საუბარში თქვა, რომ რუსეთი რეგიონის ყველა არჩევნებში ერევა და "ბევრი ჩარევა", შეიძლება, რთულად ამოსაცნობიც კი იყოს:

"ეს ხდება ბალტიიისპირეთში და უკრაინაში. 2020-ის არჩევნებისთვის მე გარწმუნებთ, რომ უკვე საკმაოდ მძიმედ ერევა. რუსეთი რამდენჯერმე ჩაერია საარჩევნო კამპანიაში აშშ-სა და დიდ ბრიტანეთში. საქართველოც ამ მიმართებით მისი ერთ-ერთი პირველი სამიზნეა. დღეს სოციალური მედია ნამდვილად იძლევა ამის საშუალებას, რომ შესაბამისმა ძალებმა ტექნოლოგიები თავიანთ იარაღად გამოიყენონ, რათა არჩევნებში ჩაერიონ. ამის მტკიცებულება უკვე არსებობს...".

ამავე თემაზე: 2020-ის არჩევნები იქნება საქართველოსთვის დემოკრატიის ტესტი — დევიდ კრამერი