ახალციხისა და ადიგენის დამაკავშირებელ გზაზე ავარიის დროს ორი ადამიანი გარდაიცვალა, ერთი კი მძიმედ დაშავდა. შემთხვევა რამდენიმე საათის წინ მოხდა.

შინაგან საქმეთა სამინისტოს ინფორმაციით, მსუბუქი მანქანა და სატვირთო ერთმანეთს შეეჯახა. გარდაცვლილებიც და დაშავებულიც მსუბუქ ავტომობილში ისხდნენ.

საქმეზე გამოძიება სისხლის სამრთლის კოდექსის 276-ე მუხლის მერვე ნაწილით დაიწყო. ამ მუხლით მოძრაობის უსაფრთხოების ან ექსპლუატაციის წესის დარღვევა იმის მიერ, ვინც ამ სატრანსპორტო საშუალებას მართავს, რამაც ორი ან მეტი ადამიანის სიცოცხლის მოსპობა გამოიწვია, ისჯება თავისუფლების აღკვეთით ვადით ექვსიდან ათ წლამდე. ამ ეტაპზე დაკავებული არავინ არის.