NDI: მოსახლეობის 48% ამბობს, რომ ბოლო 6 თვის განმავლობაში კომუნალურებისთვის საკმარისი ფული არ ჰქონია

შესწორება: თავდაპირველად სათაურში მითითებული იყო, რომ მოსახლეობის 51 პროცენტი ამბობს, რომ კომუნალურების დასაფარად ბოლო ექვსი თვის განმავლობაში საკმარისი თანხა არ ჰქონია. თუმცა დაზუსტების შემდეგ სათაური შეიცვალა.

NDI-ს კვლევის თანახმად, მოსახლეობის 49 პროცენტი ამბობს, რომ ბოლო ექვსი თვის განმავლობაში ყოფილა ისეთი შემთხვევა, როდესაც კომუნალურების დასაფარად საკმარისი ფული არ ჰქონია.

ამავე კვლევის მიხედვით, მოსახლეობის უმრავლესობა ფიქრობს, რომ საშუალო და დაბალ ეკონომიკურ საფეხურზეა. 38 პროცენტს მიაჩნია, რომ ისინი საშუალო ეკონომიკურ საფეხურზე არიან.

NDI-ს კვლევის მიხედვით, მოსახლეობის 63 პროცენტი ამბობს, რომ გასულ თვეში მათი ოჯახის შემოსავალი 800 ლარს არ აღემატებოდა. მხოლოდ 20 პროცენტი ამბობს, რომ შემოსავალი 801 ლარზე მეტი იყო.

ამავე კვლევის მიხედვით, მოსახლეობის 76 პროცენტი ამბობს, რომ მათი ოჯახის ძირითადი დანახარჯი საკვებია. 62 პროცენტი ამბობს, რომ ძირითადი ხარჯი კომუნალური გადასახადებია, 38 პროცენტი — წამლები, სესხი/განვადება/იპოთეკა — 30 პროცენტი.

კვლევა 2019 წლის 13-29 ივლისის პერიოდში ჩატარდა. გამოიკითხა საქართველოს მასშტაბით 2 131 ადამიანი პირისპირ ინტერვიუს წარმომადგენლობითი შერჩევის საფუძველზე. გამოკითხვის საშუალო ცდომილების ზღვარი არის +/- 1,7%.

ბოლო ამბები:

გირჩევთ