საშა ბარონ კოენი ცნობილია მისი შექმნილი კომედიური პერსონებით, ისეთებით, როგორიცაა: ბორატი, ბრუნო და ალი ჯი. თუმცა, ამჯერად მსახიობმა პროვოკაციული კომედიანტობა უკან მოიტოვა და ნეტფლიქსის ახალ, მცირე სერიალში The Spy დრამატული როლი მოირგო. 1960-იანი წლების აგენტური თრილერი, რომელში მსახიობი ელი კოენის როლს ასრულებს. კლერკი ისრაელიდან, რომელიც მოსადის საიდუმლო აგენტი ხდება და სირიაში საიდუმლოდ მიდის. სერიალი ნამდვილ ამბავზეა დაფუძნებული.

ნეტფლიქსის ოფიციალური სინოფსისი კოენის გმირს ასე აღწერს: კაცი, რომელსაც არაფერი უნდა, იმის გარდა, რომ საკუთარ ქვეყანას გამოადგეს. თუმცა ის ამ ყველაფერს იმდენად კარგად აკეთებს, რომ უჭირს გაყოს თავისი ორმაგი იდენტობა.

კოენისთვის The Spy იშვიათი შანსია, რომ საკუთარი დრამატული სამსახიობო უნარები გვაჩვენოს. მისი კარიერა ძირითადად კომედიურ და ანიმაციების ხმოვან როლებს წარმოადგენს. მსახიობი ემიზე იყო ნომინირებული საკუთარი შოუსთვის Who Is America?