ახალი კვლევის მიხედვით, ევროპაში მილიონობით ქარის ელექტროსადგურის განთავსება შეიძლება, რომელთა მიერ გამომუშავებული ენერგია მთელ მსოფლიოს 2050 წლამდე ეყოფა.

მეცნიერების თქმით, ამჟამად ევროპაში ქარის გენერატორებისათვის 4,9 მილიონი კვადრატული კილომეტრის ფართობია ხელმისაწვდომი (ევროპის სრულის ფართობის 46 პროცენტი). ამ ფართში არ შედის დასახლებული, დაცული და რელიეფურად რთული ტერიტორიები.

ამ მიწებზე ქარის 11,6 მილიონი ელექტროსადგურის განთავსებაა შესაძლებელი, რაც 52,5 ტერავატ ელექტროენერგიას გამოიმუშავებს.

"ეს კვლევა არ არის გეგმა, რომლის მიხედვითაც ეს სექტორი უნდა განვითარდეს. ეს კანონმდებლებისათვის ერთგვარი გზამკვლევია. ჩვენი მიზანია ვაჩვენოთ თუ რა პოტენციალი არსებობს ამ სფეროში", — აცხადებს სასექსის უნივერსიტეტის პროფესორი და კვლევის თანაავტორი ბენჟამინ სოვაკოლი.

აღნიშნული ანალიზის მიხედვით, ევროპას აქვს პოტენციალი, რომ ქარის ელექტროსადგურებით ამჟამინდელზე 100-ჯერ უფრო მეტი ენერგია გამოიმუშაოს.

ავტორების თქმით, ქარის ელექტროსადგურების მიმართულებით ყველაზე დიდი პოტენციალი თურქეთს, რუსეთს, ნორვეგიასა და დასავლეთ ევროპას აქვს.

კვლევა ჟურნალ Energy Policy-ში გამოქვეყნდა.