რომის პაპმა ფრანცისკემ, თბილიში, მიხეილ მესხის სტადიონზე ქადაგება, ქალთა ღირებულებებზე საუბრით დაიწყო:

"ჩვენი უფლებების მდიდარ საგანძურში გამორჩეული ადგილი უჭირავს ქალთა ღირებულებას. როგორც ყრმა იესოს წმინდა ტერეზა წერდა, რომელსაც დღეს მოვიხსენიებთ, ღმერთი გაცილებით მეტ ქალს უყვარს, ვიდრე მამაკაცს. საქართველოში უამრავი ბებია და დედაა, რომლებიც კვლავაც ინახავენ და გადასცემენ წმინდა ნინოს მიწაზე დათესილ რწმენას და ღვთიური ნუგეშის მაცოცხლებელი წყალი მიაქვთ უამრავ გაუდაბურებულ და მტრულ ვითარებაში. ეს გვეხმარება უკეთ შევიცნოთ სილამაზე, დღევანდელ პირველ საკითხავში მოსმენილი უფლების სიტყვებისა. როგორც დედა ანუგეშებს შვილს, ისე განუგეშებთ მეც, როგორც დედა იტვირთავს ხოლმე თავისი შვილების სიმძიმესა და გასაჭირს, ასევე ღმერთიც იღებს ჩვენს ცოდვებსა და საზრუნავს. იგი გვიცნობს და უსაზღვროდ ვუყვარვართ და გვიმშრალებს ცრემლებს. როდესაც გვიმზერს გული უჩუყდება, გული ღრმა სიყვარულით ევსება, რადგან რაოდენი ბოროტების ჩამდენიც არ უნდა ვიყოთ, მაინც მისი შვილები ვართ".

რომის პაპის მესის რიტუალი დღეს, 1 ოქტომბერს, 10:00 საათზე დაიწყო. სტადიონზე იმყოფებიან საქართველოს პრეზიდენტი, პირველი ლედი, აღასრულებელი და საკანონმდებლო ხელისუფლების, დიპლომატიური კორპუსის და სხვადასხვა კონფესიების წარმომადგენლები.