აჭარაში პოლიციამ თურქეთის ორი მოქალაქე დააკავა, რომლებიც საერთაშორისო დონეზე, ინტერპოლის წითელი ცირკულარით იძებნებოდნენ. შინაგან საქმეთა სამინისტროს ინფორმაციით, ოპერაცია ბათუმში ჩატარდა. დაკავება თურქი სამართალდამცავების მოთხოვნის საფუძველზე მოხდა, და ამჟამად ორივე პირის მიმართ კანონით გათვალისწინებული საექსტრადიციო პროცედურები მიმდინარეობს.

"შინაგან საქმეთა სამინისტროს ცენტრალური კრიმინალური პოლიციის დეპარტამენტის აჭარის მთავარი სამმართველოს თანამშრომლებმა, ინტერპოლის წითელი ცირკულარით ძებნილი, თურქეთის რესპუბლიკის 2 მოქალაქე დააკავეს.

დაკავებულები, თურქეთის რესპუბლიკის სამართალდამცავი ორგანოების მოთხოვნის საფუძველზე, ინტერპოლის წითელი ცირკულარით საერთაშორისო დონეზე იძებნებოდნენ.
სამართალდამცველებმა, ჩატარებული საგამოძიებო მოქმედებების შედეგად, ძებნილი პირები, სხვადასხვა დროს, ბათუმში დააკავეს.

ამჟამად, ორივე დაკავებულის მიმართ კანონით გათვალისწინებული საექსტრადიციო პროცედურები მიმდინარეობს", — წერია უწყების განცხადებაში.