ენდი ბერნემი გაერთიანებული სამეფოს პრემიერმინისტრი გახდა მას შემდეგ, რაც მეფე ჩარლზ III-მ მას მთავრობის ფორმირება სთხოვა. ამის შემდეგ იგი დაუნინგ სტრიტზე გაემგზავრება, სადაც სიტყვით გამოვა და პერსონალს შეხვდება. ინფორმაციას CNN ავრცელებს.

მანამდე კირ სტარმერმა ოფიციალურად დატოვა პრემიერმინისტრის პოსტი. დაუნინგ სტრიტზე წარმოთქმულ გამოსამშვიდობებელ სიტყვაში მან ამ თანამდებობაზე მუშაობას "ცხოვრების პრივილეგია" უწოდა.

ბერნემი გაერთიანებული სამეფოს მმართველი, ცენტრისტულ-მემარცხენე "ლეიბორისტული პარტიის" ლიდერი პარასკევს გახდა. პარტიის შიგნიდან ზეწოლისა და რეიტინგების ვარდნის ფონზე, სტარმერი ისტორიაში ყველაზე ხანმოკლე ვადით მოქმედი ლეიბორისტი პრემიერმინისტრი გახდა.