პროკურატურა თელავში მომხდარ ინციდენტზე დაკავებული გიორგი ჭიღლაძის მიმართ 5 000-ლარიანი გირაოს გამოყენებას მოითხოვს.

"დაკავებულს ბრალი წარედგინება 120-ე მუხლის პირველი ნაწილით და როგორც აღნიშნული კატეგორიის დანაშაულზე არის პრაქტიკაში, აღკვეთი ღონისძიების სახით აქაც მოვითხოვთ გირაოს პატიმრობის უზრუნველყოფით 5 000 ლარის ოდენობით," — განუცხადა პროკურატურამ NEWS.On.ge-ს.

შეგახსენებთ, რომ 18 ივლისს, თელავში, სასტუმრო "აგარანის მამულში" ინციდენტი მოხდა. ქორწილის მსვლელობისას, სასტუმროს მესამე სართულზე, ერთ-ერთ ნომერში მყოფმა უცხო ქვეყნის მოქალაქე ქალებმა შეურაცხყოფა მიაყენეს ქორწილის სტუმრებს და სითხე დაასხეს. რის შემდეგაც სიძის ძმას, გიორგი ჭიღლაძე ნომერში მყოფ ერთ-ერთ ქალს დაარტყა. შსს-მ გიორგი ჭიღლაძე დააკავა. შსს-ს ცნობით, გამოძიება ჯანმრთელობის განზრახ მსუბუქი დაზიანების ბრალდებით დაიწყო და დაკავებულს 3 წლამდე პატიმრობა ემუქრება.