უჩვეულოდ მრგვალი სხეულისა და მოკლე კისრის მქონე პატარა ენოტი ინტერნეტვარსკვლავად მას შემდეგ იქცა, რაც სიეტლის მკვიდრის მიერ გადაღებულმა ვიდეომ მილიონობით ნახვა დააგროვა.

კიანა ჰოლმა ცხოველი 13 ივლისს, საღამოს, პარტნიორთან ერთად სეირნობისას შენიშნა. თავდაპირველად ეგონა, რომ გაჩერებული მანქანის ქვეშ კატა იყო, თუმცა მალევე პატარა ენოტი დაინახა. მან ვიდეო სოციალურ ქსელში გამოაქვეყნა და ენოტს "ჯიმოთი" დაარქვა.

ხალხი ჯიმოთის სხვადასხვა მითურ არსებას ადარებდა. ვაშინგტონის სახელმწიფო უნივერსიტეტის ვეტერინარული საავადმყოფოს პროფესორის, მარსი ლოგსდონის თქმით, ვიდეოს მიხედვით ზუსტი დიაგნოზის დასმა შეუძლებელია, თუმცა, შესაძლოა, ენოტის მოკლე კისერი ხერხემლის თანდაყოლილი დეფორმაციის შედეგი იყოს.

"ის ფაქტი, რომ ამ ასაკამდე მიაღწია, მიანიშნებს, რომ გარემოსთან შეგუება შეძლო. მისმა გამძლეობამ გამაკვირვა და გარკვეულწილად შთამაგონა კიდეც", — აღნიშნა მარსი ლოგსდონმა.

სპეციალისტის განმარტებით, ეს მდგომარეობა მოკლე ხერხემლის სინდრომს ჰგავს — იშვიათ თანდაყოლილ დარღვევას, რომლის დროსაც ხერხემლის მალები შეკუმშული ან ერთმანეთთან შეზრდილია. ველურ ცხოველებში მსგავსი შემთხვევები ძალიან იშვიათია, ამიტომ მხოლოდ ვიდეოზე დაყრდნობით იმის დადასტურდება, აქვს თუ არა ჯიმოთის ეს სინდრომი, რთულია.