თბილისში, გურიაში, სამეგრელო-ზემო სვანეთსა და იმერეთში 7 ადამიანი დააკავა. მათ ბრალად ედებათ ცეცხლსასროლი იარაღისა და საბრძოლო მასალის უკანონო შეძენა, შენახვა და ტარება. ინფორმაციას შსს ავრცელებს.

სამართალდამცველებმა დაკავებულების ჩხრეკისას ნივთმტკიცებად სხვადასხვა მოდელის იარაღები და ვაზნები ამოიღეს. გამოძიება სისხლის სამართლის კოდექსის შესაბამისი მუხლით მიმდინარეობს, რაც სასჯელის სახედ 6 წლამდე პატიმრობას ითვალისწინებს.

"შინაგან საქმეთა სამინისტროს თბილისის, გურიის, სამეგრელო-ზემო სვანეთისა და იმერეთის პოლიციის დეპარტამენტების თანამშრომლებმა, სხვადასხვა დროს ჩატარებული საპოლიციო პრევენციული ღონისძიებების შედეგად, ცეცხლსასროლი იარაღებისა და საბრძოლო მასალის მართლსაწინააღმდეგო შეძენა-შენახვა-ტარების ბრალდებით 7 პირი დააკავეს.

სამართალდამცველების მიერ ბრალდებულების პირადი, საცხოვრებელი სახლებისა და დამხმარე ნაგებობების ჩხრეკის შედეგად, ნივთმტკიცებად ამოღებულია სხვადასხვა მოდელის ცეცხლსასროლი იარაღი, საბრძოლო მასალა და მჭიდები.

გამოძიება სისხლის სამართლის კოდექსის 236-ე მუხლით მიმდინარეობს, რაც 6 წლამდე ვადით თავისუფლების აღკვეთას ითვალისწინებს", — აღნიშნულია უწყების განცხადებაში.