"კარქით, კარქით, კარქით, კარქით, კარქით, კარქით ნუ ჭყივიხართ; არ გვინდა თქვენი წიწინი, წიწინი არ გვინდა, წიწინი არ გვინდა, წიწინი არ გვინდა. აბა, გაჩერდი ერთი წუთი, გაჩერდი გენაცვალე. იოგებს გაუფრთხილდი, პატარა გოგო ხარ, იოგებს გაუფრთხილდი თუ შეიძლება, გამოგადგება მომავალში", — ასე მიმართა მმართველი პარტიის დეპუტატმა, ნუკრი ქანთარიამ ნაციონალური მოძრაობის დეპუტატს, თინათინ ბოკუჩავას. სტილი დაცულია.

დეპუტატებს შორის კამათი ქანთარიას განცხადებამ გამოიწვია. ის ამტკიცებდა, რომ ნაციონალური მოძრაობის ლიდერებმა, მათ შორის ნიკა მელიამ 20 ივნისს პარლამენტთან დაპირისპირება დაიწყეს და ხალხი მიატოვეს. ბოკუჩავამ მას საუბარი გაააწყვეტინა და განაცხადა, რომ ეს სიცრუეა, რადგან პოლიტიკოსები დილას ფილარმონიასთან იყვნენ მომიტინგეებთან ერთად.

პარლამენტში საპროცედურო და იურიდიულ კომიტეტთა გაერთისანებულ სხდომაზე ნიკა მელიასთვის იმუნიტეტის შეჩერების საკითხს განიხილავენ. სხდომა დაძაბულ რეჟიმში, კამათისა და დაპირისპირების ფონზე მიმდინარეობს.

ამავე თემაზე: