სახელმწიფო ინსპექტორის შესარჩევად ახალი კონკურსი უნდა გამოცხადდეს — კოალიცია მართლმსაჯულებისთვის
![](http://rachel.on.ge/2019/06/10/1559629380_5cf6106d64f7e_5cfe281be8645.jpg)
ფოტო: შინაგან საქმეთა სამინისტრო
კოალიცია დამოუკიდებელი და გამჭვირვალე მართლმსაჯულებისთვის აცხადებს, რომ სახელმწიფო ინსპექტორის თანამდებობაზე გამოცხადებული კონკურსი დარღვევით მიმდინარეობს. მათი თქმით, პრემიერისთვის წარდგენილი კანდიდატებიდან მხოლოდ 1 აკმაყოფილებს დებულებით დადგენილ მოთხოვნებს. კოალიცია უარყოფითად აფასებს ამ გარემეობებს და აცხადებს, რომ კანონმდებლობის დარღვევით კონკურსის ჩატარება ეჭვქვეშ აყენებს ინსპექტორის შემდგომი საქმიანობის ლეგიტიმურობას.
კოალიციაში განმარტავენ, რომ შესარჩევი კონკურსის პირველ ეტაპზე მხოლოდ ერთმა პირმა წარადგინა სავალდებულო სამოტივაციო წერილი სრულად. თუმცა, მათი თქმით, კომისია გაესაუბრა დაბარებული 7-იდან გამოცხადებულ 5 განმცხადებელს და შეარჩია 2 კანდიდატურა, მიუხედავად იმისა, რომ 1-მა ვერ გადალახა კონკურსის პირველი ეტაპი.
კოალიციაის განცხადებით, სახელმწიფო ინსპექტორის სამსახურის შესახებ საქართველოს კანონის მოთხოვნით, კომისიამ პრემიერ-მინისტრს უნდა წარუდგინოს ინსპექტორის არანაკლებ 2 კანდიდატურა. მათი თქმით, იმ პირობებში, როდესაც მხოლოდ 1 კანდიდატურა აკმაყოფილებს საკვალიფიკაციო მოთხოვნებს, უნდა გამოცხადდეს ხელახალი კონკურსი, რაც კომისიამ აირიდა. აქედან გამომდინარე, კოალიცია აცხადებს, რომ ჩნდება საფუძვლიანი ეჭვი, რომ კომისიის წევრებმა გაედაწყვეტილება მიიღეს განსაზღვრული კანდიდატურის თანამდებობაზე დანიშვნის მოტივით.
კოალიცია მოუწოდებს საქართველოს პარლამენტსა და მთავრობას:
- პარლამენტმა მხარი არ დაუჭიროს კონკურსის წესების დარღვევით შერჩეულ კანდიდატებს;
- პრემიერ-მინისტრმა გამოაცხადოს ახალი კონკურსი;
- სახელმწიფო ინსპექტორის სამსახურს დროულად მიეწოდოს სათანადო ფინანსური სახსრები, რათა 2019 წლის 1 ივლისს საგამოძიებო მექანიზმის ამოქმედებას საფრთხე არ დაემუქროს.
კოალიციის განცხადებით, ზემოხსენებული ვითარება განსაკუთრებით საგანგაშოა მოქმედი სახელმწიფო ინსპექტორის მიერ საჯარო ტრიბუნიდან 29 მაისს გაკეთებული განცხადების ფონზე. კერძოდ, მან განაცხადა, რომ მთავრობამ არ გამოყო სამსახურის ასამუშავებლად საჭირო ფინანსურ სახსრები. მათი თქმით, ფინანსური გარანტიების არარსებობის გამო, სამსახურის ამოქმედება უკვე 2-ჯერ გადაიდო. მათივე თქმით, პერსონალურ მონაცემთა დაცვის ინსპექტორის, თამარ ქალდანის მიერ მიწოდებული ინფორმაციის მიხედვით, ამ დრომდე არ არის განსაზღვრული იმ დანაყოფის საშტატო ნუსხა, რომელმაც 1 ივლისიდან უნდა შეასრულოს საგამოძიებო ფუნქციები.
კოალიციაში ამბობენ, რომ სახელმწიფო ინსპექტორის სამსახურის (რომლის შეზღუდული საგამოძიებო უფლებამოსილება უნდა გავრცელდეს სამართალდამცავთა გარკვეული წრის მიერ სავარაუდოდ ჩადენილ დანაშაულებზე) დროულად ამოქმედების კრიტიკული საჭიროება დასტურდება უკანასკნელი წლების სტატისტიკითაც. მათი თქმით, თითქმის ყველა შემთხვევაში სამართალდამცავების მიერ სავარაუდოდ ჩადენილ დანაშაულებზე გამოძიება უშედეგოდ მიმდინარეობს.
2019 წლის 1 ივნისს, სახელმწიფო ინსპექტორის შესარჩევმა საკონკურსო კომისიამ, საქართველოს პრემიერ-მინისტრის ინსპექტორობის ორი კანდიდატი — ვალერი ლომუაშვილი და ლონდა თოლორია წარუდგინა. ორივე მათგანი შინაგან საქმეთა სამინისტროს მოქმედი თანამშრომელია.
საქართველოს პარლამენტმა 2018 წლის ივლისში მიიღო კანონი სახელმწიფო ინსპექტორის შესახებ. კანონის თანახმად, სახელმწიფო ინსპექტორის სამსახური დამოუკიდებელი სახელმწიფო ორგანოა, რომლის მიზანია განახორციელოს პერსონალურ მონაცემთა დამუშავების კანონიერების კონტროლი, ფარული საგამოძიებო მოქმედებებისა და ელექტრონული კომუნიკაციის მაიდენტიფიცირებელ მონაცემთა ცენტრალურ ბანკში განხორციელებული აქტივობების კონტროლი და სამართალდამცავი ორგანოს წარმომადგენლის, მოხელის ან მასთან გათანაბრებული პირის მიერ სისხლის სამართლის კოდექსის რამდენიმე მუხლით ჩადენილი დანაშაულის მიუკერძოებელი და ეფექტიანი გამოძიება. ამ მუხლებს შორისაა წამება, დამამცირებელი, ან არაადამიანური მოპყრობა და სამსახურებრივი უფლებამოსილების გადამეტება.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები