ბანგლადეშის სამხედრო-საჰაერო ძალების სასწავლო რეაქტიული თვითმფრინავის ჩამოვარდნის შედეგად, რომელიც დედაქალაქ დაკაში კოლეჯისა და სკოლის კამპუსზე ჩამოვარდა, სულ მცირე 19 ადამიანი დაიღუპა და 164 დაშავდა — ამის შესახებ Reuters გვატყობინებს.

ლეიტენანტ-პოლკოვნიკ, სამი უდ დაულა ჩოუდურიმის განცხადებით, F-7 BGI ტიპის თვითმფრინავმა ჩვეულებრივი სასწავლო მისიის შესრულებისას მექანიკური გაუმართაობა განიცადა.

ინციდენტი ხდება სულ რამდენიმე კვირის შემდეგ, რაც მეზობელ ინდოეთში, აჰმადაბადში, ინდოეთის ავიახაზების თვითმფრინავი სამედიცინო კოლეჯის საცხოვრებელ კორპუსზე ჩამოვარდა — უბედურ შემთხვევას 241 მგზავრი და კიდევ 19 ადამიანი ემსხვერპლა, რაც ბოლო ათწლეულის განმავლობაში ყველაზე მასშტაბური ავიაკატასტროფაა.

საჰაერო ძალების ცნობით, დაღუპულებს შორის არის თვითმფრინავის პილოტიც. მომხდარის გამოსაკვლევად შექმნილია საგამოძიებო კომიტეტი.

დაკას სამედიცინო კოლეჯის საავადმყოფოს დამწვრობის განყოფილების ხელმძღვანელის, თქმით, "ერთ-ერთი მესამე კლასის მოსწავლე საავადმყოფოში უკვე გარდაცვლილი შემოიყვანეს, ხოლო კიდევ სამი — 12, 14 და 40 წლის — კლინიკაში არიან მოთავსებულები.“

"როცა ბავშვების წამოსაყვანად სკოლის კართან მივედი, რაღაც ხმაური მომესმა ზურგიდან... აფეთქების ხმა იყო. რომ შევბრუნდი, მხოლოდ ცეცხლი და კვამლი დავინახე“, — ჰყვება მასუდ ტარიკი, სკოლის ერთ-ერთი მასწავლებელი.