ქართული ოცნება უარყოფს, რომ პარტიის ზუგდიდის ოფისს მეხი დაეცა. ამის შესახებ ოცნების საარჩევნო შტაბის პრესსამსახურის უფროსმა, პაატა ლაგვილავამ ინტერპრესნიუსს განუცხადა.

"მეხი არაფერს დასცემია. მოკლე ჩართვა მოხდა ნაციონალური მოძრაობის წინ მდებარე ბოძზე. წვიმდა, ქარი ქროდა, ამიტომ მოვიდა სამაშველო სამსახური, მაგრამ არაფერი სერიოზული რომ არ იყო, გამოიძახეს ენერგო-პრო და ენერგო-პრომ აღმოფხვრა პრობლემა", — თქვა ლაგვილავამ.

რამდენიმე მედიასაშუალებამ გუშინ, 2 მაისს გაავრცელა ინფორმაცია, რომ ქართული ოცნების ზუგდიდის ოფისს მეხი დაეცა.