ევროპარლამენტმა დიდი უმრავლესობით დაუჭირდა მხარი ერთჯერადი გამოყენების პლასტმასის ნივთების აკრძალვას. ეს მოიცავს საკვების კონტეინერებს, საწრუპებს, ყურის ჩხირებს და სხვა.

წინადადებას მხარი 560-მა კანონმდებელმა დაუჭირა. მის წინააღმდეგ წავიდა 35 პარლამენტარი, 28-მ კი თავი შეიკავა.

აკრძალვა ძალაში 2021 წლიდან შევა. მისი მიზანია ოკეანეებისა და ზღვების ნარჩენებისგან დაცვა და ეკოლოგიურად უსაფრთხო ალტერნატივით ჩანაცვლება.

"ჩვენი ოკეანეებისა და ზღვების პლასტმასით დაბინძურების შემცირებისკენ დღეს მნიშვნელოვანი ნაბიჯი გადავდგით. ევროპა ახალ, ამბიციურ სტანდარტებს ამკვიდრებს, რომელიც დანარჩენ მსოფლიოსაც გაუკვალავს გზას", - განაცხადა ერვოკომისიის პირველმა ვიცე-პრეზიდენტმა ფრანს ტიმერმანსმა.

ახალი კანონმდებლობით, 2029 წლისთვის, ევროკავშირის წევრ ქვეყნებს პლასტმასის ბოთლების 90%-ის შეგროვებაც ევალებათ.

ევროკომისიის მიხედვით, წყლის დაბინძურების მიზეზებს შორის 80% პლასტმასის ნარჩენებს უკავია.

ამავე თემაზე: