2 აპრილს, ჩიკაგოში, ბლოკჩეინ კონგრესი გაიმარება. ღონიძიებას, რომელსაც ქართული ინოვაციებისა და განვითარების ფონდი მასპინძლობს მსოლფიოს 15-ზე მეტი ქვეყნიდან ეყოლება სტუმარი. კონგრესი მესამე წელია შტატებში იმართება და წელს, დაინტერესებულ პირებთ, საშუალება ექნებათ დარგის 50 ზე მეტი სპეციალისტის მოხსენებას მოუსმინონ. წლევანდელი ღონისძიება პარტნიორებისა და სპონსორების მრვალფეროვნებითაც გამოირჩევა. ფონდის ჩრდილოეთ ამერიკის ხელმძღვანელის თქმით, უპრეცენდენტო ინტერესი დაფიქსირდა აკადემიური წრეების მხრიდან. კონგრესში მონაწილეობის სურვილი, ამერიკის წამყვანი უნივერისტეტების პროფესორებმა გამოთქვეს. დეტალებზე, გივი ჩიქოვანი საუბრობს:

"ჩვენი პარტნიორები არიან წამყვანი საინვესტიციო ფონდები. მაგალითისთვის შემიძლია დავასახელო Jumpcap.com. კომპანია, რომელიც ბლოკჩეინ საშუალოდ 5 დან 20 მილიონ დოლარამდე ინვესტიციას ახორციელებს ბლოკჩეინ კომპანიებში. 2 აპრილს, ჩვენ ამ სიანვესტიციო ფონდის თანადამფუძნებელი, პიტერ ჯონსონი გვეწვევა. შემოგვიერთდა Outlier venture-ს დამფუძნებელი, რუმი მორალესი - საინვერტიციო კომპანიის წარმომადგენელი, რომელიც ბლოკჩეინ მიმართუებით ახორციელებს კაპიტალ-დაბანდებას.
ღონისძიებაზე დასასწრებად, სპეციალურად შანხიდან ჩამოდის კენ ჰუანგი. ის არის საერთაშორისოდ აღიარებული სპიკერი ბლოკჩეინის სფეროში და დამფუძნებელი DistributedApp-ის. გვიერთდებიან ასევე სხვადასხვა შტატებიდან ბლოკჩეინის ალიანსებიც. გვყავს გამომსვლელი, რომელიც ჰიუსონის ბლოკჩეინ ალიანსის დირექტორია"- განაცხადა გივი ჩიქოვანმა.

როგორც ქართული "ინოვაციებისა და განვითარების ფონდის" მიერ გავრცელებულ ინფორმაციაშია აღნიშნული, ღონისძიების მთავარი თემები იქნება ბლოჩეინი და რეგულაციები, ბლოკჩეინი და AI (ხელოვნური ინტელექტი), ენერგო სექტორი, უძრავი ქონება, უსაფრთხოება, ინფრასტრუქტურა, დეველოპმენტი და ჯანდაცვა. მოწვეულ სტუმრებთან და დამსწრეებთან ერთად, განიხილავენ საკითხებს, თუ როგორ შეიძლება დეცენტრალიზება საზოგადოებას საბოლოდ სხვადასხვა მიმართულებით და არა მხოლოდ კრიპტოვალუტის სეგმენტში გამოადგეს.

"ინოვაციებისა და განვითარების ფონდი” 2014 წელს დაფუძნდა გიორგი ვაშაძის მიერ და წარმატებით მოღვაწეობს მსოფლიოს რამდენიმე ქვეყანაში. ოფისები ფუნქციონირებს თბილისში, კიევსა და ჩიკაგოში.

ფონდის მიერ უკრაინაში უკვე განხორციელდა არაერთი მნიშვნელოვანი რეფორმა, მათ შორის იუსტიციის სახლები – "გოტოვო”. მისივე ინიციატივით შეიქმნა უკრაინის ანტიკორუფციული ბიურო და მომზადდა კანონპროექტი ანტიკორუფციული სასამართლოს შექმნის თაობაზე.