ამერიკის შეერთებული შტატების სახელმწიფო მდივანმა, მარკო რუბიომ ბრიუსელში NATO-ს შეხვედრისას განცხადება გააკეთა. შეხვედრაზე მან ხაზი გაუსვა ალიანსის გაძლიერებულ შესაძლებლობებს და აღნიშნა, რომ ეს სამომავლოდ ომების დაწყებას შეუშლის ხელს. ამის შესახებ ინფორმაციას თეთრი სახლი სოციალურ ქსელში ავრცელებს.

"NATO ახლა ბევრად უკეთ არის მომზადებული, რათა სამხედრო, დიპლომატიური და ეკონომიკური ძალა ისე გამოიყენოს, როგორც ამას ჩვენი მტრები ვერც კი წარმოიდგენენ — რაც მომავალში ომების შეკავებას შეუწყობს ხელს", — თქვა სახელმწიფო მდივანმა.

მარკო რუბიო ამობობს, რომ NATO-ს დონალდ ტრამპის წყალობით გაძლიერდა და წერს, რომ ეს აშშ-ის საგარეო პოლიტიკის დამსახურებაა.

"ამერიკის შეერთებული შტატების პრეზიდენტის წყალობით, NATO დღეს ისეთი ძლიერია, როგორიც ათწლეულებია არ ყოფილა. აი ასე გამოიყურება "პირველ რიგში ამერიკა" საგარეო პოლიტიკაში", — დაწერა რუბიომ.

ცნობისთვის, ეს მარკო რუბიოს პირველი ვიზიტი იყო NATO-ს შტაბ-ბინაში აშშ-ის სახელმწიფო მდივნის რანგში (ტრამპის ადმინისტრაციის მეორე ვადაში).