საქართველოს პრეზიდენტის სალომე ზურაბიშვილის განცხადებით, მოსამართლეებისგან პოლიტიკური განცხადებები მიუღებელია და ეს სასამართლოს მიმართ ნდობაზე უარყოფითად აისახება.

პარლამენტში მოხსენებით გამოსვლის დროს ის მოსამართლეების შერჩევის პროცესს შეეხო და აღნიშნა, რომ ამ პროცესთან დაკავშირებით პრეზიდენტის შეხედულებების გაღღერება მიუღებელია:

"ეს იქნება ჩარევა სასამართლო და საკანონმდებლო ორგანოების კომპეტენციაში. ერთადერთი რამ, რაც პრეზიდენტს შეუძლია, შეახსენოს ყველა მოსამართლეს, რომ მათ პროფესიის შესაფერისი თავშეკავება ევალებათ", — აღნიშნა პრეზიდენტმა.

საქართველოს პრეზიდენტი სალომე ზურაბიშვილი საქართველოს პარლამენტში მოხსენებით პრეზიდენტის რანგში პირველად წარდგა. ზურაბიშვილის მოხსენებას პარლამენტში პრემიერ-მინისტრი მამუკა ბახტაძე, მინისტრთა კაბინეტის წევრები და დედაქალაქის მერი, კახა კალაძე დაესწრებიან.

ზურაბიშვილის გამოსვლას ევროპული საქართველო და ნაციონალური მოძრაობა არ ესწრებიან.