საქართველოს პარლამენტში დარეგისტრირდა დადგენილების პროექტი, რომლითაც პარლამენტის ეთიკის საბჭო უნდა შეიქმნას. ეთიკის საბჭოს შექმნის ვალდებულება დეპუტატებს ახალი რეგლამენტით განესაზღვრათ. რეგლამენტის თანახმადაც პარლამენტი, თავისი უფლებამოსილების ვადით, დადგენილებით ქმნის ეთიკის საბჭოს.

პარლამენტის წევრის ქცევა მისი სტატუსიდან გამომდინარე ეთიკის კოდექსმა უნდა დაარეგულიროს. ეს კოდექსი ასევე განსაზღვრავს წესებს, რომლებიც მან უნდა გაითვალისწინოს თავის საქმიანობაში, ასევე, კოლეგებთან, თანამშრომლებთან, მედიასთან, სხვა ინსტიტუტებთან და საზოგადოებასთან ურთიერთობისას; ასევე განსაზღვრავს პასუხისმგებლობას ეთიკის კოდექსის დარღვევის შემთხვევაში.

ეთიკის საბჭო ეთიკის კოდექსის აღსრულების მექანიზმია. ის 16 წევრისგან უნდა დაკომპლექტდეს. ეთიკის საბჭომ უნდა განიხილოს საჩივრები ეთიკის კოდექსის სავარაუდო დარღვევის შესახებ და დარღვევის დადასტურების შემთხვევაში ინფორმაცია პარლამენტის ვებგვერდზე უნდა გამოაქვეყნოს. ასევე, ამ საბჭოს ვალდებულებაა რეკომენდაციების გაცემაც.

საქართველოს პარლამენტში დეპუტატების ეთიკის კოდექსზე მსჯელობენ. კანონპროექტის მიხედვით, განისაზღვრება დეპუტატების ქცევის ნორმები და შეიქმნება ეთიკის საბჭო, რომელიც საჩივრებს განიხილავს. ეთიკის კოდექსის ნორმების დარღვევისთვის სანქციების მექანიზმის ამოქმედება იგეგმება.

გაიგე მეტი: რა ეთიკურ ნორმებს უნდა იცავდეს დეპუტატი - კანონპროექტი მოკლედ