Tbilisi Open Air განსხვავებული ფორმატით ბრუნდება — ფესტივალი 24-25 მაისს ჩატარდება. საქართველოს დამოუკიდებლობის დღეს, 26 მაისს კი, ყველანი ერთად, თავისუფლების იდეით გაერთიანებულები შევხვდებით, — ამის შესახებ ფესტივალის ორგანიზატორების მიერ გავრცელებული ინფორმაციაში ვკითხულობთ.

"Tbilisi Open Air 2025 არ არის მხოლოდ მუსიკალური ფესტივალი. ჩვენს სტუმრებს 24 და 25 მაისს, Lisi Wonderland-ში, ჩვენთან ერთად უმასპინძლებენ ქართული თეატრი, ნაციონალური ბალეტი, ქართული მუსიკალური ლეიბლები, ბუნებრივი ღვინის ფესტივალი და თბილისის წიგნის ბაზრობა", — ნათქვამია გავრცელებულ ინფორმაციაში.

ფესტივალის მონაწილეებს შორის, ელექტრონული მუსიკის შემსრულებლებს გარდა არიან: ქართველი ბანი პაატა ბურჭულაძე, საესტრადო მომღერლები ნანი ბრეგვაძე და მერაბ სეფაშვილი, ქართული ნაციონალური ბალეტი "სუხიშვილები" და ლოტბარი გიორგი უშიკიშვილი.

ფესტივალის 2-დღიანი აბონემენტების ფასები 67.5 ლარიდან 90 ლარამდე ღირს.

ფესტივალის ორგანიზატორები იმასაც წერენ, რომ Tbilisi Open Air-ის წლევანდელი, სპეციალური გამოშვება თანადგომას უცხადებს მუსიკალური და სახელოვნებო სფეროს წარმომადგენლებს, რომლებსაც ჩვენი განსაკუთრებული მხარდაჭერა სჭირდებათ — ბილეთების გაყიდვიდან შემოსული თანხის ნაწილი გადაირიცხება თანამედროვე ხელოვნების და კულტურის ფონდსა და საქართველოს მუსიკოსთა პროფესიულ კავშირში. ბილეთების შეძენის დროს კი, სურვილისამებრ, მომხმარებელი თავადაც შეძლებს გაიღოს დონაცია ზემოხსენებული ორგანიზაციებისათვის.